炊豕店 (威靈頓街) (Closed)

睇過其他人嘅食評幾好，今日經過上環，就試吓佢，時間係下午三點幾，冇咩人，但竟然都被安排坐面壁思過坐位，對住塊墻，算吧食嘢啫，來到當然叫招牌蔥油豬扒飯，上枱賣相幾好，但一食落去就知道中伏，炸粉好厚、炸得有點過火，豬扒好薄冇咩肉汁，食完肯定超級熱氣兼口乾，個飯啲飯粒係似日本米，圓圓哋以為好食，點知一咬落去好硬，根本唔想食，我夾硬食咗三分一左右，蔥油好多，但整得唔好食得個咸字，跟餐飲品仲離普，連基本咖啡奶茶都冇，得啲凍罐裝汽水之類，唉，總之我一定無下次....！