麵檔 (Closed)

星期天路過登龍街，見到又有新食店，今次開係地庫，又一個蛇竇同人傾是非嘅地方。店內無論是裝潢、食物，都跟傳統港式麵檔與別不同，地方企理加埋開放式廚房，俾你睇晒食物製作過程，食得安心又放心。叫咗佢地人氣產品如脆皮牛腩、酥炸手打紫菜墨魚丸等，當然我地叫咗雲吞麵。雲吞麵湯底同麵一D梘水味都無，反而好有蝦味，店員話湯底用上大地魚、蝦皮及羅漢果等烹製，極有蝦味。雲吞是在店內密密包製，餡料是每日買來的新鮮豬肉和海蝦，雲吞大小適中。牛腩食得多，但未食過脆皮牛腩，原來是酥炸牛腩，炸得剛剛好，不會有一陣油味，牛腩也腍軟。酥炸手打紫菜墨魚丸，故名思義是用人手每天手打，加上丸內有墨魚粒，外脆肉軟，爽口彈牙。另一驚喜是估唔用來點墨魚丸個醬汁好好味，原來是自家製泰式醬汁，辣辣地，好夾墨魚丸。再加杯咸檸七，呢度俾原粒咸青檸，唔似坊間俾半粒，好抵呀! 呢度仲有免費wifi，平時可以蛇出嚟抖下氣，小休一下兼嘆下午茶。