Applegreen (Closed)

成九點先到，兩個唔使等，直入卡位。門口個遊樂設施好啱小朋友，星期五晚都有唔少細路喺度玩。叫左墨西哥芝士牛肉脆片同牛柳紅飯。沙律吧任攞沙律，好抵食，同埋啲款唔差，有水準。沙律吧個紫薯南瓜好食，甜甜地且好有原本嘅味道，反而黑椒椰菜花有啲辣。墨西哥脆片要快食，如果唔係會林哂。齋食脆片上嘅芝士同牛肉會有啲膩，但加左啲蕃茄粒會令個脆片清新左，唔錯。牛柳紅飯好有驚喜！牛柳超好食，唔un，約七成熟，好香牛味。同友人邊食邊傾，差唔多收鋪先捨得走。