Video
Read full review
2019-11-27
927 views
係北海道食過不下3次的湯咖喱店Garaku，竟然來港設店，驚訝之餘亦滿心期待，因為真係好好食，尤其係配料炸西蘭花。當然，所有海外品牌設海外店，佢的質素最少都要打個八折，我都有心理準備了。首先尖沙咀店幾細，還好去果陣差不多打烊，先容易入座。同日本店一樣，湯咖喱有得選辣度、飯量等，不過就用剔剔紙代替口頭落單。辣度有1-40㨂，個range好闊，但唔食得太辣千祈唔好膽粗粗㨂中間位置，我食到一般辣，選3度，都已經覺得有點乸脷感覺。飯量有小至大㨂，本來可以另選麵包（印象中日本店好似冇麵包），但剔剔紙刪除左。而日本可以加錢加配料，呢度都刪除左。湯咖喱款式有5款，最基本同出名係雞髀野菜湯咖喱（$138）。先講最重要的湯底，辣之餘都幾重香料味，反而香味稍遜於日本店。雞髀係滑嘅，不過就冇左一戳就骨肉分離效果。蔬菜配料一樣多，雖然新鮮，但大部分好似冇炸過咁，好生，尤其蓮藕同紅蘿蔔，而我最喜歡的西蘭花，原本係因為炸過所以有份焦香，但我咬第一舊的時候，冇炸嘅？個心即刻涼左一截，非常失望，到咬第二舊先食到炸的感覺，水準如此參差，食落去都唔會enjoy。即使基本如白飯，賣相都散修修，唉。另一款係豚角煮野菜湯咖喱（
首先尖沙咀店幾細，還好去果陣差不多打烊，先容易入座。同日本店一樣，湯咖喱有得選辣度、飯量等，不過就用剔剔紙代替口頭落單。
辣度有1-40㨂，個range好闊，但唔食得太辣千祈唔好膽粗粗㨂中間位置，我食到一般辣，選3度，都已經覺得有點乸脷感覺。飯量有小至大㨂，本來可以另選麵包（印象中日本店好似冇麵包），但剔剔紙刪除左。而日本可以加錢加配料，呢度都刪除左。
湯咖喱款式有5款，最基本同出名係雞髀野菜湯咖喱（$138）。先講最重要的湯底，辣之餘都幾重香料味，反而香味稍遜於日本店。雞髀係滑嘅，不過就冇左一戳就骨肉分離效果。蔬菜配料一樣多，雖然新鮮，但大部分好似冇炸過咁，好生，尤其蓮藕同紅蘿蔔，而我最喜歡的西蘭花，原本係因為炸過所以有份焦香，但我咬第一舊的時候，冇炸嘅？個心即刻涼左一截，非常失望，到咬第二舊先食到炸的感覺，水準如此參差，食落去都唔會enjoy。即使基本如白飯，賣相都散修修，唉。
另一款係豚角煮野菜湯咖喱（$148），大部分評語同上，而豚角煮（即五花腩）尙算ok，皮有燒過，肉都叫鬆化，但都難補其他的問題。
又一間叫人失望的過江龍。
Post
