甜館

Open Now

Now Closed

那天行過新港城1期，見到好似有間新開糖水舖，就這樣試了一次。舖頭很小，我數過只有18座位，但工作人員就有7人，有些少被人「監視」的感覺！可能是星期日，老闆家庭總動員掛！因此執野真係好快，我眼見兩個客人起身埋單，唔駛十秒，就有兩個工作人員埋來，再過5秒，成張枱執乾淨仲抺埋，真有效率。講番食物，我地食左兩樣野：酒釀丸子：酒糟味好濃，十分香，有些少酸味，丸子幾多下，整體配合得幾好。朱古力梳乎里：要等約10分鐘，但真係值得，因為梳乎里焗得好好味，又唔太甜，蛋白味同朱古力味都濃，我覺得十分滿分佢起碼有8分。唔錯！由於食之前冇睇過食評，下次去可以試下其他食家推介的食物。