Video
Read full review
2022-06-12
30 views
唔經唔覺到咗今日同老婆大人結婚23年喇老夫老妻都要慶祝吓嘅！佢最鍾意紫色就搵間紫色嘅餐廳同佢食番餐。揀咗喺北角匯嘅意大利餐廳Giovanni Pina，入面除咗有落地玻璃窗仲有滿天紫藤花，喱個環境啱晒紫迷老婆大人。話晒慶祝整杯紅酒是常識吧！酒杯入面嘅老婆大人真係特别正哈哈哈。鍾意食鮮味嘢嘅我哋叫咗兩個前菜都係海鮮，第一樣係蒜片番茄白酒汁煮青口配意大利脆包片，青口有好多隻仲幾肥仔跟埋脆多士上枱，用番茄煮過嘅青口酸酸哋吊起晒青口嘅鮮味連埋塊脆卜卜嘅多士食仲正。另外一個前菜係老婆大人最like嘅意式烤八爪魚配辣煙燻甜椒醬，八爪魚食落淋滑牙力唔好嘅我都食得好鬼舒服，而且唔會淡茂茂有鮮味幾唔錯喎。主菜老婆大人揀咗食烤伊比利亞豬鞍配黑椒汁，我試咗一嚿又幾香仲好有咬口添，而且仲有好多烤雜菜和同薯仔份量好足。我就梗係食牛肉啦叫咗一個紐西蘭特級牛柳香煎鵝肝配主廚祕方陳醋汁＄308。厚切鵝肝夠滑夠香肯定係靚貨，牛柳點咗五成熟嚟到切開睇到煮得好準，牛柳鮮嫩淋滑仲有陣陣嘅焦香味極度好味。甜品揀咗雙球意大利雪糕味道係開心果同埋Tiramisu，開心果雪糕勁濃味又滑嘟嘟，Tiramisu就交比老婆大人食好喇，希望
揀咗喺北角匯嘅意大利餐廳Giovanni Pina，入面除咗有落地玻璃窗仲有滿天紫藤花，喱個環境啱晒紫迷老婆大人。
話晒慶祝整杯紅酒是常識吧！酒杯入面嘅老婆大人真係特别正哈哈哈。
鍾意食鮮味嘢嘅我哋叫咗兩個前菜都係海鮮，第一樣係蒜片番茄白酒汁煮青口配意大利脆包片，青口有好多隻仲幾肥仔跟埋脆多士上枱，用番茄煮過嘅青口酸酸哋吊起晒青口嘅鮮味連埋塊脆卜卜嘅多士食仲正。
另外一個前菜係老婆大人最like嘅意式烤八爪魚配辣煙燻甜椒醬，八爪魚食落淋滑牙力唔好嘅我都食得好鬼舒服，而且唔會淡茂茂有鮮味幾唔錯喎。
主菜老婆大人揀咗食烤伊比利亞豬鞍配黑椒汁，我試咗一嚿又幾香仲好有咬口添，而且仲有好多烤雜菜和同薯仔份量好足。
我就梗係食牛肉啦叫咗一個紐西蘭特級牛柳香煎鵝肝配主廚祕方陳醋汁＄308。
厚切鵝肝夠滑夠香肯定係靚貨，牛柳點咗五成熟嚟到切開睇到煮得好準，牛柳鮮嫩淋滑仲有陣陣嘅焦香味極度好味。
甜品揀咗雙球意大利雪糕味道係開心果同埋Tiramisu，開心果雪糕勁濃味又滑嘟嘟，Tiramisu就交比老婆大人食好喇，希望佢食得滿意同開心啦！期待下年可以出國外遊去慶祝我哋嘅薩丁婚。
Giovanni Pina Ristorante, Bar & Pasticceria
電話： 27550013
地址：北角北角邨里1號北角匯一期1樓111號舖
Post
