匠一麵屋 (Closed)

定期來長沙灣睇牙醫後都要搵下有咩好食，新來開呢間匠一拉麵比起呢區其他拉麵走不同的路線。由先裝修日式簡潔拉麵店，坐得幾舒服，唔使坐bar枱所以同朋友面對面傾到計。我地叫左兩款拉麵，一款係醬油雞骨湯底既濃厚魚介拉麵，湯底好清甜不過魚介味唔算出，飲多幾啖湯都唔會覺得滯或口干，拉麵麵底，叉燒都好軟淋。另一款係豚骨濃湯既炙燒叉燒拉麵，呢碗多幾塊叉燒，湯底完全唔同，係好濃郁既豚脂味，重口味必點，配合幼身啲既麵條湯汁更掛面。再叫左小食，炸雞難得仲 juicy 而餃子好正宗既拉麵店餃子咁，豬肉餡，表面煎得脆口。長沙灣既餐廳真係愈開愈高質，以拉麵黎講呢度價格算平，值得一試。