Video
Read full review
2020-11-12
105 views
好耐無落嚟灣景中心附近行下，趁今日要去稅局交文件，辦完正經事，一於過去 Brim 28 逛逛，順便搵食。無嚟一排，原來有好幾間之前幫襯開嘅食肆都已經結咗業，好彩仲搵到一兩間心水餐廳。得一個人，唔想坐低食，都係決定買外賣，揀咗「百芳池上便當」。先睇下餐牌，原來呢度除咗有便當之外，仲有台式早餐及一系列台式小食等供應。上個月喺另一間分店食過佢嘅「香酥炸雞腿便當」，隻雞髀炸得非常美味，既酥脆又唔油膩，今次就試下個「香腸滷肉飯便當」，再配杯珍珠奶茶。香腸滷肉飯便當 ($59)：雖然係外賣，但店員一點也不馬虎，將個便當同飲品各自分開包裝，既乾淨又企理。條香腸雖然唔算好大條，但質素甚高，食落皮脆有肉香。滷肉味道亦唔錯，肉粒肥瘦相間， 脂肪入口即化，富肉香和油香，而且調味亦恰到好處，不會太鹹或太甜。至於其他材料亦十分豐富，飯面鋪滿了栗米粒、椰菜、粉絲、酸菜、另外還有半隻滷蛋。栗米粒爽甜多汁、酸菜有醋勁而不嗆喉、粉絲入味又煙韌，而滷蛋食落亦充滿蛋香，水準不俗。杯奶茶的茶底甜度很適中，入口順滑香醇，珍珠大大粒，嚼感十足。食完飯再嘆埋杯珍珠奶茶 (+$14)，真係好爽！
無嚟一排，原來有好幾間之前幫襯開嘅食肆都已經結咗業，好彩仲搵到一兩間心水餐廳。
得一個人，唔想坐低食，都係決定買外賣，揀咗「百芳池上便當」。
先睇下餐牌，原來呢度除咗有便當之外，仲有台式早餐及一系列台式小食等供應。上個月喺另一間分店食過佢嘅「香酥炸雞腿便當」，隻雞髀炸得非常美味，既酥脆又唔油膩，今次就試下個「香腸滷肉飯便當」，再配杯珍珠奶茶。
香腸滷肉飯便當 ($59)：雖然係外賣，但店員一點也不馬虎，將個便當同飲品各自分開包裝，既乾淨又企理。
條香腸雖然唔算好大條，但質素甚高，食落皮脆有肉香。滷肉味道亦唔錯，肉粒肥瘦相間， 脂肪入口即化，富肉香和油香，而且調味亦恰到好處，不會太鹹或太甜。
至於其他材料亦十分豐富，飯面鋪滿了栗米粒、椰菜、粉絲、酸菜、另外還有半隻滷蛋。栗米粒爽甜多汁、酸菜有醋勁而不嗆喉、粉絲入味又煙韌，而滷蛋食落亦充滿蛋香，水準不俗。
杯奶茶的茶底甜度很適中，入口順滑香醇，珍珠大大粒，嚼感十足。食完飯再嘆埋杯珍珠奶茶 (+$14)，真係好爽！
Post
