大漁屋台 (Closed)

日本料理幾時都特別吸引我上網見到得寶有間新居酒屋，門面睇落真係好日本feel，早2日就book定位，放工Happy Friday!6點半到門口，已經見到舖入面有6，7台客，所以大家唔想等既記得book定位呀打開menu 樣樣都想叫先叫左個前菜:蟹子沙律 份量足夠2人食清酒煮蜆， 性價比高，有好多隻蜆，隻隻都有大大粒既蜆肉架清酒微苦帶香，有菇同埋昆布，仲幾片辣椒調味，唔食得辣既朋友要小心唔好食到。黎居酒屋點少得串燒，揀左雞腎、牛脷同埋一口蕃薯。調味同埋燒得都岩岩好，3款都冇野好挑剔海膽蔥花拖羅蓉卷，特色卷物，但味道就比較失色。海膽同埋拖羅蓉味道好啖。海之幸丼，刺身分別有三文魚、油甘魚、三文魚子同埋北海道牡丹蝦。幾款入面以油甘魚最為出色，十分鮮甜，其他都冇咩特別。食飽大約8點，門口已經好多人排隊等位啦整體黎講，刺身卷物都冇大驚喜，反而前菜、串燒、漁師料理就充滿驚喜。會再返黎試其他野食順帶一提，座位唔算舒服，而且較為迫，當日職員見我地拎住大袋，都有提比多張櫈我地擺袋，值得一讚，但就要擺係離自己座位一小段距離。