Video
Read full review
2013-03-16
310 views
阿Kit小姐嘅生日，本來大家同屬一個細胞小組嘅，但佢就話忙到爆，結果要等佢嘅生日飯局先有機會碰個面聚一聚，搵埋幾個老友一齊，食番餐賀賀佢。除尖沙咀，又一城近排都多咗嚟搵食，始終因為地理位置嘅考慮。不過，代價會喺偏高少少嘅付出，都無所謂啦，至緊要嘢食好，大家食得開心啫。又一棧喺小弟揀，所以點菜方面，佢哋都話由我發辦，哈哈，但結果都喺你一句我一句、依樣好啲嗰樣好啲，齊齊諗掂食乜。因為其中一位朋友因事要遲成半個鐘先到，所以我哋先點啲冷盤，食住等，主菜後上。蘇州美味燻魚 $88差啲想同個侍應講我哋無叫叉燒喎，因為燻魚被切成細細件咁上碟，燻魚個賣相真喺勁似叉燒。肉質咬落挺實，幾香煙燻味，唔錯。上海南伶海蜇頭 $78有3款味道供選擇，蔥油 / 甜蝦 / 醋撈，決定揀蔥油，貪佢帶朕蔥香。海蜇頭切得頗大件，除咗海蜇應有嘅爽脆，仲多份咬口，而蔥油嘅香，令人感到好油潤嘅感覺。南翔生煎包 $48一客5個，朋友問：「點解咁少嘅？」點解？原因咪餐牌張相嘅錯覺囉，因為內裡張相喺以一個小煎盆盛載，喺兩客嘅份量嘛！而個賣相都好搞嘢，隻碟有6個格，但生煎包只得5個，吉咗一格就搵片玫瑰頂上。包內肉餡打得幾鬆化，最深印象喺
又一棧喺小弟揀，所以點菜方面，佢哋都話由我發辦，哈哈，但結果都喺你一句我一句、依樣好啲嗰樣好啲，齊齊諗掂食乜。因為其中一位朋友因事要遲成半個鐘先到，所以我哋先點啲冷盤，食住等，主菜後上。
蘇州美味燻魚 $88
差啲想同個侍應講我哋無叫叉燒喎，因為燻魚被切成細細件咁上碟，燻魚個賣相真喺勁似叉燒。肉質咬落挺實，幾香煙燻味，唔錯。
上海南伶海蜇頭 $78有3款味道供選擇，蔥油 / 甜蝦 / 醋撈，決定揀蔥油，貪佢帶朕蔥香。海蜇頭切得頗大件，除咗海蜇應有嘅爽脆，仲多份咬口，而蔥油嘅香，令人感到好油潤嘅感覺。
南翔生煎包 $48一客5個，朋友問：「點解咁少嘅？」點解？原因咪餐牌張相嘅錯覺囉，因為內裡張相喺以一個小煎盆盛載，喺兩客嘅份量嘛！而個賣相都好搞嘢，隻碟有6個格，但生煎包只得5個，吉咗一格就搵片玫瑰頂上。包內肉餡打得幾鬆化，最深印象喺個包底煎得勁香脆。
梁山泊米莧鮮魚羹 $108雖然無大會張相做得咁靚，但一壺碧綠睇得人幾順眼，此外，餐牌標明喺3-4人份量，但照分6碗，碗碗都有大半滿添。湯羹做得好順滑，折咗好多魚肉，真喺成擔功夫，並且味道鮮甜，甚有水準。
北京糟溜魚片 $138因為隻碟太大，所以睇落啲份量好似唔多，其實幾OK，魚片雪白非常，嫩滑得緊要，一大瓣一大瓣口感很好，細問之下，以魽魚入饌，雖然唔多識佢喺乜魚，但好正。酒味芳醇，含蓄唔張揚，所以怕酒味嘅人都應該接受到。更難得個玻璃茨汁打得清澈柔滑，唔會好似膠水咁樣，讚呀！伴碟嘅黑木耳亦都好食，質感喺超爽脆。
烤四川樟茶鴨 $188
原隻米鴨上碟，切成細件再砌番好鴨形，美觀整齊，不過依啲技巧對大廚只不過刁蟲小技。鴨味頗濃，帶少少羶，肉質軟化唔太乾，烤得唔錯。記得以前晌大陸出差食過一次樟茶鴨，但嗰次隻樟茶鴨變咗樟柴鴨囉，啲肉韌到似臘鴨咁。不過，跟鴨同上嘅荷葉餅就唔喺好知點處理，點睇都唔似食片皮鴨咁包住食，唯有一啖鴨，一啖餅啦，可能咁食法喺個反面教材嚟，所以小弟依啲都只不過喺隻為食鬼，唔喺咩食家囉，哈哈。而一份樟茶鴨賣$188，實屬抵食。
雪裡蕻肉絲炒年糕 $80可能粉麵飯食得多，所以不期然大家揀咗炒年糕。年糕呈橢圓形，口感幾軟滑煙韌，雪裡味道濃而無過鹹，可恨就喺肉絲少得可憐，可以用孤鬼寒嚟形容。
由於我哋預備咗個大蛋糕，加上同枱女士唔喺咩甜魔，所以甜品就無嗌喇。其實又一棧晌環境、餐具就好一流架啦，高樓底，大水晶吊燈，感覺通透唔「撐眼」，氣氛高雅唔浮誇。餐具更加別緻有特色，每隻杯、碟都印有唔同嘅駿馬圖案，畫得精緻有神采，晌食以外，餐具都值得欣賞一下，所以臨尾上生日蛋糕之前，侍應換過一批新碟，友儕都「專燈」拎起一齊合影，夠晒搞笑，隔離枱食客見到都唔知會唔會傻笑埋一份呀！
相反，服務認真麻麻哋，前後一男一女兩個負責我哋張枱嘅侍應比較生手，少有晌美心中菜食肆遇到咁情況，最可愛喺個女嘅知道自己唔喺好熟練，好坦白咁同我講話自己過嚟依間店無耐，有啲嘢唔熟，成日唔好意思前，唔好意思後，既然喺咁，既坦白，又誠懇，都唔會同你計啦。茶位收$13位，泡菜$22碟，收我哋兩碟錢，白飯$14碗，最後食咗近成千銀，我哋6個人，照理每人舊半多啲，不過講明生日飯，壽星女自然免費啦！
Post
