牛陣 (iSQUARE國際廣場)

Open Now

Now Closed

已經好耐冇同大少打過邊爐，上一次已經差唔多三四個月前。為咗呢一次放縱自己，我早餐都冇食。我哋揀咗嚴選套餐配日本甜豉油湯底。一定唔少勁定叫牛同豬，大少攞咗冬瓜，菜，秋葵，我就攞咗金菇，冬菇，同埋白蘿蔔。混醬方面，我自己就簡簡單單，淨係辣椒再加埋豉油. 但係大少個碗混醬就非常之豐富，我見到有蔥花，有辣椒，同埋我估係酸汁。因為大少講過甜豉油湯底再加埋酸汁嘅醬好好食。去到最後個湯底已經非常濃郁，跟住再加埋白蘿蔔同埋冬瓜。啲白蘿蔔同埋冬瓜已經浸到林晒，吸晒所有味。又林又甜又好味。