千賀水產の鮮鍋道場 (Closed)

年底都好多同事離開公司， 咁正正證明到間公司都幾惡頂， 我都想走但係唔知幾時搵到工 ， 未搵到之前，唯有幫人慶祝下， 公司及九龍灣，去觀塘最方便， 今次就搵到呢間可以無限時的邊爐， 仲要平價，抵食。打邊爐揀咗湯底之後， 會有 刺身拼盤 ，海鮮拼盤 , 靚牛肉 送上， 嗰啲係非任點食品，之後就可以喺出面自己拎嘢食or點餐.。湯底我叫咗胡椒豬肚湯，鍋似乎太大，內有十多塊豬肚，味道ok。刺身有 象拔蚌，三文魚，北寄貝，甜蝦，味道ok。 海鮮拼盤 有蝦， 蟶子，花甲，蠔， 下可以免費再叫 ，其他再order需付費。咁除咗打邊爐之外出面都唔少生熟食品， 牛扒， 中式餸菜，湯 ，壽司， 沙律，炸物， 甜品，水果,雪糕。 好多嘢食，花多繚亂。總括嚟講，不限時，多選擇，係幾抵食， 最啱同啲大胃王嚟，唔會食窮自己。