無極牛排 (Closed)

- 近日熱石牛係香港興起左一鼓熱潮，所以今次趁放假就同朋友聚一聚，就黎到位於尖沙咀既『無極牛排』感受下呢鼓熱潮！因為由1成熟自己加熱到自己想要既熟成度都比較有趣！- 一出門口就見到『無極』兩隻大字，個人感覺有啲太極，唔知兩者之間有冇關聯呢！？- 餐牌簡單易明，只有四種牛同埋唔同Size，同埋套餐，飲品～同時佢餐廳都有解釋埋四種牛有咩分別，可以令你試你想試既！- 佢有一個自助既醬汁站，你可以過去自由調配你想體驗既醬汁，佢有：蒜蓉，辣味增，芥末籽醬，辣根，Wasabi，胡麻醬，燒肉汁等等多種醬汁任你揀！- 如果係套餐，沙律就可以無限添加～配上胡麻汁或者沙律汁，作為前菜用黎開胃一流！- 無骨牛小排相對牛柳而言，牛小排會比較多脂肪，但當然整體而言並唔算多，而且肉質會比較軟身，熟成度就因你個人而異去調整，牛肉味濃，配合上少量既脂肪會更加刺激你既味蕾，正！- 每一件牛既大小，都可以因應自己既喜好去切，5成？7成？全熟？　都係由你決定！