鍋呵呵 (Closed)

今日陪老公出左深水埗黃金商場買電腦野順便食晚飯！呢排d天氣熱左好多，老公竟然提議去打邊爐！？哈哈！好！我一於奉陪！反正我一年365日都鐘意恰下恰下嘅！上openrice 睇到有間叫「鍋呵呵」喺附近，係新開嘅火鍋店，d評語都幾好，就同老公兩個「貢」上去。火鍋店喺一樓，我地6點去到（個天都未黑！），剛剛開門，即刻有位！我地坐窗口位，餐廳舖面乾淨，坐得都舒服！職員推介我地食一個椰子雞鍋二人餐，菜單睇落去真係好吸引好抵食，不過因為套餐有好多海鮮，老公唔係好食得。所以最後散叫，我地叫左個沙爹湯底，一碟手切肥牛，仲叫左d配料！我同老公每人都叫左一杯熱柚子蜜，味道正常，冇乜特別！沙爹湯底好夠味好香，用黎淥肉類岩哂！手切肥牛好夠牛味，不過如果再瘦返d就好！唔係間間火鍋店有黑柏葉！呢度有！見到即叫！黑柏葉淥兩淥就得，好好食！墨魚滑好彈牙！牛筋丸好正，牛味超濃又有咬口！食食下職員又攞左一碟肥牛黎，我地仲以為黎錯，原來係5月優惠每一至四個人送一碟肥牛！雖然冇手切肥牛咁重牛味，不過都算香口冇筋！免費特別正！我地仲叫左烏冬，係手打烏冬，好彈牙食到唔停口！叫左碟唐生菜，新鮮亦洗得乾淨！見到隔離枱食蒸氣鍋好吸引！超