同人燒 (Closed)

生日聚會最好就係食放題，咩都有得食又可以任叫，是晚揀左黎同人燒，二百幾蚊人頭任飲任燒，一於試一試佢。同人燒用的是這種長方形燒爐，比起日式或韓式燒爐較難燒，空間不大，食物也易燶，真係要小心睇火。醬料勁多選擇，每樣都要齊整個大混醬先。飲品只有汽水類，但可要求要水的。爐邊有牛油同湯，牛油防黏爐，湯則用黎加速食物熟度！？雖然兩樣都無乜用到……入坐仲會送木耳一客，好酸的陳醋吖！感覺同燒烤無乜關係？！作為開胃菜確實夠酸。按人頭計可以一蚊加一件海鮮，要了扇貝，聖子同鰻魚，幾鮮甜喎，鰻魚只有一小片，比較唔抵囉。青口可無限點，不算肥美，但收貨了。蕃薯仔encore了數次，好甜勁正。鮑魚仔十蚊一隻，咁抵食一人整返隻試下，有燒汁或蒜容味揀，兩樣都正，鮑魚彈牙爽口又鮮甜，非常好味！！煙肉蕃茄卷，鯖魚，冬菇，台灣香腸，午餐肉，羊肉串，燒賣，無特別但又唔差。牛舌，牛油粟米，迷你漢堡，多春魚，芝士金菇，豬頸肉，牛油粟勁甜，芝士金菇正，迷你漢堡好睇但唔係幾好食，太乾了。蜜糖蕃茄，海蝦，茄子，雞翼，薯蛋，龍蝦丸，茄子加左蒜容燒起上黎真係勁香口，薯蛋原來咁燒咁好味喎。雞翼睇起黎好似熟左咁，但入而未㗎，都係要慢慢燒。牛丸，