夏捌月 (Closed)

之前食呢間夏捌月已經差唔多兩年，而家開左係荃灣比較近我，而且空間大左坐得更舒服，記得之前食果個蟹黃意粉真係不得了啖啖入哂味，今次就試啲唔同嘅嘢，叫左兩份扒餐，一份係日本霜降牛扒 $188，一份係成隻手咁大塊嘅慢烤香草帶骨肉眼牛扒 $268，兩個套餐都跟左酥皮周打魚湯，而家愈來愈少呢隻酥皮湯，好有懷舊嘅味道 😭 除此之外，佢地嘅薯菜都好特別，係粉紅色嘅薯蓉呀，其實係紅菜頭汁製作而成嘅，健康得黎又靚，靚得黎又好味 👍🏿 而呢兩塊扒都各有特色，日本霜降肥牛入口有溶口嘅感覺，油脂好高，好香！個人比較中意呢款 😛 而另外果塊慢烤香草帶骨肉眼牛扒比較 juicy，食落牛味較重，其實各有各好，都幾高質！