源記餐廳

Open Now

Now Closed

以前公司喺附近，源記基本上係飯堂，片頭河加腩汁，係冇走雞嘅選擇，但係自從公司搬咗之後已經好少再食，今日經過附近做嘢，走去食返餐，點知又係一間差咗嘅餐廳。以前源記嘅腩汁又香又濃，河粉吸晒啲腩汁味，真係淡淡都好味。今日個腩汁真係淡晒，食落去好似豉油味咁，我都唔知佢係轉左老細定係轉左廚房。片頭就係正常嘅，個菜都幾甜，但係冇咗精華嘅腩汁我真係唔使喺度食。奶油脆豬都算脆，但係油同奶都唔夠，$26.1個下午茶餐，雖然唔係貴，但係都唔好咁孤寒啲材料啦。