Video
Read full review
2018-01-20
1122 views
上次晚飯時間行過荔枝角D2 place, 已經有啲想試呢一間大公館。可惜「有性格的」店員話已經fully booked, 於是試左裏面的西餐cadenza....之後嘗試book飲茶啦，又問係唔係會員又話冇位，（我明白係會員優先，但係都唔需要用咁嘅態度嘛）。今次特登兩個多星期前嘗試訂位，接通咗之後店員同我地講話第二日覆返我地有冇位... 結果當然第二日都冇覆我地啦。鍥而不捨嘅我哋之後需要再打電話問是否成功訂位... .得出嘅結論係——唔覆電話等於有位？.撇開訂位時嘅遭遇，今日終於同屋企人嚟到呢度飲茶。沒有期望的我們驚訝服務態度沒有電話中那樣... 反而都真係幾特別，幾好食。.先來一個黑毛豬叉燒，淋滑有豬味，蜜糖沒有搶到叉燒的味道。好少飲茶的我當然一定會叫燒賣。正常。試試少見的龍蝦餃，可惜略嫌蝦餃皮太過厚，不過確實係食到啖啖龍蝦肉嘅， 我想plating 加了分吧。腸粉點了個特別的牛肝菌星斑腸粉，腸粉皮都算好滑，同埋勝在足料！驚喜位竟然係來自這個巴馬火腿芋絲糕，煎得非常脆同香口，但沒有支離破碎嘅情況，五香粉嘅份量落得剛剛好，又可以食到一條條嘅芋頭絲XO醬桂花蚌春卷其實都不錯，新鮮即炸熱辣
.
之後嘗試book飲茶啦，又問係唔係會員又話冇位，（我明白係會員優先，但係都唔需要用咁嘅態度嘛）。今次特登兩個多星期前嘗試訂位，接通咗之後店員同我地講話第二日覆返我地有冇位... 結果當然第二日都冇覆我地啦。鍥而不捨嘅我哋之後需要再打電話問是否成功訂位...
.
得出嘅結論係——唔覆電話等於有位？
.
撇開訂位時嘅遭遇，今日終於同屋企人嚟到呢度飲茶。沒有期望的我們驚訝服務態度沒有電話中那樣... 反而都真係幾特別，幾好食。
.
先來一個黑毛豬叉燒，淋滑有豬味，蜜糖沒有搶到叉燒的味道。
好少飲茶的我當然一定會叫燒賣。正常。
試試少見的龍蝦餃，可惜略嫌蝦餃皮太過厚，不過確實係食到啖啖龍蝦肉嘅， 我想plating 加了分吧。
腸粉點了個特別的牛肝菌星斑腸粉，腸粉皮都算好滑，同埋勝在足料！
驚喜位竟然係來自這個巴馬火腿芋絲糕，煎得非常脆同香口，但沒有支離破碎嘅情況，五香粉嘅份量落得剛剛好，又可以食到一條條嘅芋頭絲
XO醬桂花蚌春卷其實都不錯，新鮮即炸熱辣辣，同埋又係勝在足料！
跟住係賣點即叫即焗嘅雪山叉燒包。確實不錯，但同類型嘅雪山叉燒包其實好多地方都有。
呢個牛肝菌黑椒燒鵝酥又係另一個驚喜，酥皮做得非常鬆脆，沒有油膩嘅感覺，賣相當然加晒分啦，裏面嘅牛肝菌同埋燒鵝嘅味道都非常好，重點係黑椒嘅調味非常配合，完全帶出燒鵝酥嘅味道
.
點了一個生炒排骨試試, 是新式嘅生炒排骨，有點似某店的拔絲生炒排骨走冰版，鍾意食菠蘿嘅我哋有少少失望，因為實在切得太細粒了。
.
主食點了個生炒牛河，可能因為有XO醬，同行有人話小小辣，不過好辣嘅我們當然完全感受不到,仲要點辣椒油食添。（順帶一提，呢度嘅辣椒油係潮州辣椒油，夠辣亦都夠香，不錯）生炒牛河炒得都算乾身，唔油膩，牛肉冇話切得太厚同埋韌，所以都唔差。
.
甜品點了媽媽最喜歡的「菲林卷」、同爸爸最喜歡的豆腐花。先說芝麻卷，除咗而家唔係有太多地方食到之外，呢度嘅芝麻卷有淡淡嘅芝麻香味，質感恰到好處，不會太Q彈或者太過淋。
最後嘅豆腐花上枱時候熱辣辣，雖然好飽，但都覺得超級吸引。佢仲有薑糖水同埋黃糖俾我哋加上去豆腐花度，悉隨尊便，尤其是薑味嘅糖水非常特別
.
除咗訂枱的流程外，整體來講今餐都算幾滿意。菜式唔係平時一般、特別得來又會足料。有機會可以挑戰晚市
Post
