李家 (華發大廈)

Open Now

Now Closed

李家嚟間餐廳係偶然係Openrice 上面搵到的，見佢200幾個好評，普通同失望又咁少，就打算試下啦，點知就中大伏！一入餐廳就見入面仲有一道門，打開之後一陣酸臭味(魚露咁既味)撲鼻而來，估唔到係韓國餐廳竟然可以感受到泰式風情，實在令小弟大為驚喜。打開餐牌，見到啲食物相好似影印機冇墨咁睇唔清楚顏色，已經feel到伏伏地。但同自己講，唔好用相去判斷他人，食物既質素先係重點，就叫左炸雞打算食左先再講。落左單先上左兩個小菜，一碟係醃蘿蔔，一碟係千島醬白菜絲。醃蘿蔔變左味，白菜絲開始出緊水。大佬你不如唔好比我哋仲好。炸雞係落左單5分鐘多啲就上左枱，心諗死得啦，一定唔係新鮮炸，果不其然啲雞又乾又柴，食落明顯係中午賣唔晒既雞再攞返嚟炸。努力咁食完就急急腳咁走左。明明價錢同講Goobne差唔多，但質素差天共地，既然係咁，點解我唔去Goobne?結論:差評，環境酸臭、食物質素差，不會再有下一次。