Video
Read full review
2020-11-23
137 views
碌開最新餐廳見到旺角有間岩晒打卡既Cafe 咁就梗係要約fd一齊去試下本身諗住夜晚先去既 晏晝就食其他野 點知晏晝想食個間冇位要等好耐先有位 咁又諗唔到宜家食咩好 咁就打去旺角今晚想食個間Cafe問下今晚仲有冇位 睇下有冇得book位 店員話今晚得返8點半 咁我多口問句咁宜家會唔會有位 點知店員話宜家有位丫 咁我同fd都諗住反正都係食 咁早又食遲又係食 襯宜家有位又唔洗等咁不如宜家去食啦 咁就即刻搭車落旺角了我地大約晏晝4點鐘去到 當日係星期日 真係冇諗過係可以唔洗等位 通常星期五六日食野 間間餐廳都要排隊等位先有得食 呢間餐廳係8樓 一搭lift上去一出已經係入左餐廳 餐廳唔算大 得兩張4人枱 四張2人枱 同一張bar枱 bar枱大約坐到6個人左右 先講講佢個Menu 餐廳有最低消費每位客人需要叫一杯飲品 佢既主菜選擇唔算多 好似係得三款意粉 甜品就多啲 好似都有5-6款 仲有小食 飲品就有好多選擇 有咖啡 茶 沙冰同梳打 飲品主要都係抺茶同焙茶 兩樣都好吸引 有啲難揀我同朋友兩個人叫左一個主菜 兩個甜品同兩杯飲品 落左單大約15分鐘左右 食物同飲品都黎齊了 主菜我地叫左個明太子意粉
本身諗住夜晚先去既 晏晝就食其他野 點知晏晝想食個間冇位要等好耐先有位 咁又諗唔到宜家食咩好 咁就打去旺角今晚想食個間Cafe問下今晚仲有冇位 睇下有冇得book位 店員話今晚得返8點半 咁我多口問句咁宜家會唔會有位 點知店員話宜家有位丫 咁我同fd都諗住反正都係食 咁早又食遲又係食 襯宜家有位又唔洗等咁不如宜家去食啦 咁就即刻搭車落旺角了
我地大約晏晝4點鐘去到 當日係星期日 真係冇諗過係可以唔洗等位 通常星期五六日食野 間間餐廳都要排隊等位先有得食 呢間餐廳係8樓 一搭lift上去一出已經係入左餐廳 餐廳唔算大 得兩張4人枱 四張2人枱 同一張bar枱 bar枱大約坐到6個人左右
先講講佢個Menu 餐廳有最低消費每位客人需要叫一杯飲品 佢既主菜選擇唔算多 好似係得三款意粉 甜品就多啲 好似都有5-6款 仲有小食 飲品就有好多選擇 有咖啡 茶 沙冰同梳打 飲品主要都係抺茶同焙茶 兩樣都好吸引 有啲難揀
我同朋友兩個人叫左一個主菜 兩個甜品同兩杯飲品 落左單大約15分鐘左右 食物同飲品都黎齊了
主菜我地叫左個明太子意粉 我見多數人都係叫呢個 呢個意粉既擺盤靚過另外個兩個 所以就揀左呢個 味道唔錯 正正常常 份量唔算多 係一人份量
甜品佢有好幾款 有兩款都係窩夫 其中一款係原味窩夫 另一款係竹炭窩夫 上面有兩球雪糕 佢Menu個名好得意架 開頭都唔知係咩黎 問店員先知原來係係窩夫黎 另外仲有個係多士 我見多數黎食都係揀多士 好似係必叫咁 感覺上特別啲 窩夫周圍既甜品舖都好易食到
我地最後揀左莓莓法式西多士 呢到既多士幾特別 係切好左三件既三角形 食落係淋身既 擺盤都好令 側邊有香蕉藍莓士多啤利 仲跟埋個糖漿 我同朋友都好中意食呢種淋身既多士 感覺上會冇咁熱氣咁 開頭以為係好似出面個啲西多士咁正方形好厚炸到金黃色好硬好脆身
仲叫左日本年糕串 呢個係朋友睇到食評話好食 所以想試 我開頭會覺得呢啲會唔會有伏 點知幾有驚喜 佢係一份有有兩串 每串有兩粒 都幾大粒 係凍食既 入面係麻糬咁 如果中意食麻糬既一定要叫呢個 真係好好食 我同朋友都好中意食
最後飲品有太多選擇 我地都揀左一陣先揀到 朋友揀左杯係梳打Blue Lemonade 成杯都係藍色既 岩晒打卡 真係好令 不過朋友就話係一杯普通既檸檬梳打 味道正常
我就叫左杯抺茶紅豆拿鐵 呢杯應該都係呢間餐廳必叫既野 我見大部分人黎得打卡既都會揀呢杯飲品 佢係用富士山杯 本身諗住揀白玉唔揀紅豆 但諗落紅豆影相會令啲 所以最後都係揀返紅豆 呢杯飲品佢係分層既 最底層係紅豆 之後係奶 跟住係抺茶 最上面係奶泡 成杯搞勻晒黎飲就岩岩好 唔會話淨係得抺茶味會苦 又唔會話好甜 其實飲落都唔覺有甜味 抺茶同奶味幾重 個人幾中意
整體黎講 環境食物飲品都好滿意 兩個人食左300幾蚊 希望會再有多啲主菜既選擇 下次會再黎試其他野 值得一試
明太子意粉
$118
10 views
0 likes
0 comments
明太子意粉
$118
8 views
0 likes
0 comments
莓莓法式西多士
$88
7 views
0 likes
0 comments
日本年糕串
$49
2 views
0 likes
0 comments
左：抺茶紅豆拿鐵 右：Blue Lemonade
$58
6 views
0 likes
0 comments
Post
