好煮意

Open Now

Now Closed

去沙角邨做完義工下午三點幾，見到呢間個姐姐出嚟拉客又話新鮮無味精雞湯，好有誠意咁咪入去試吓。我哋叫咗喇沙，人氣藥膳雞米線，上海雲吞，西洋菜餃子，菠蘿青檸蜜，柚子蜜，檸檬茶。個laksa 有蟹柳墨魚丸豆卜同一隻蝦，個湯小小辣，味道唔係咁好，蟹柳好難食隻蝦係梅嘅，墨魚丸好實，食左一粒無再食。個雞湯米線好甜好重酒味，但唔好食，都唔似真係藥膳雞湯味，雞好鞋無雞味。雲吞同水餃係好普通，未叫難食但一定唔好食，肉同菜應該本身唔新鮮。個菠蘿青檸蜜同柚子蜜難得的難飲，超甜，預咗係artificial 飲品但無諗過可以難飲到咁，柚子蜜咁難飲真係第一次。當時佢話星期六日無下午茶餐㗎，但食食吓就聽到枱枱都叫下午茶餐，原來人哋係熟街坊。我哋咪問佢點解話無下午茶餐又唔俾下午茶餐牌我哋？佢串我哋下午茶餐好細碗架咋，你哋都食唔飽㗎啦，不如買多幾盒生水餃返去煮嚟食啦！明明同枱個街坊叫同一款米線一樣咁大碗，真係勁唔老實。咁佢本身都平，廢事話佢，我哋話飽唔買生水餃。佢就繼續煩煩煩！我哋勁快食完就走！見佢勁hard sell 啲水餃，仲要同其他人講街坊有折扣仲有幾個星期六再去嗰邊，但真係唔會再食。