Video
Read full review
2015-04-25
7889 views
話說呢到係母親大人生日飯常選之列。今日友人聚餐又黎呢到。梗係冇問題收工就飛過黎啦。黎得有啲遲。一黎已見兩隻豬仔肉逐砧板上。影完張相就比人劈開十二碌了。手起刀落。切得件件大細相當。仲記得細個成日要爭大啲果件。點知而家個個怕飽話要細件啲。我一於少理。大件就大件。聽住切果時喳喳聲已知個皮夠脆。而我最喜愛既係入面既糯米。帶濃濃既乾蔥香氣。加上係豬仔到吸收左足夠既油份。伴上脆口既皮。真係停唔到口又停唔到手。好罪惡咩。哈哈中間有一小節鮮淮山。比你平衡下（心理上）白胡椒海蝦係另一味常叫既菜。因為一打開房門未拎入黎都會聞到係佢啦。隻隻都大件頭。蝦殻炸得透又上滿胡椒氣息。基本上係薯片咁食得曬。而蝦肉又彈口而且鮮味。平時呀姨唔食蝦佢果隻一定比我解決埋。平時飲開大盅燉湯。今次就試到蘿白牛骨清湯。同平時食清湯腩個湯比。呢到係更加既清但係牛肉既鮮美一點不減。蘿白既清甜更加係表露無遺。牛骨一件連筋一件連肉。筋既膠原滿瀉。係口入面化開。肉既亦都淋透。舌頭輕輕一壓就絲絲分開。美人叉燒係老爸最愛。佢話係真係美人燒既我真係唔信囉。呢到用既枚頭肉係小組肌肉連成。肉味濃而有咬口。又唔會過肥過乾。記得要有焦位既一塊。麥芽既焦香
話說呢到係母親大人生日飯常選之列。今日友人聚餐又黎呢到。梗係冇問題收工就飛過黎啦。
黎得有啲遲。一黎已見兩隻豬仔肉逐砧板上。影完張相就比人劈開十二碌了。手起刀落。切得件件大細相當。仲記得細個成日要爭大啲果件。點知而家個個怕飽話要細件啲。我一於少理。大件就大件。
聽住切果時喳喳聲已知個皮夠脆。而我最喜愛既係入面既糯米。帶濃濃既乾蔥香氣。加上係豬仔到吸收左足夠既油份。伴上脆口既皮。真係停唔到口又停唔到手。好罪惡咩。哈哈中間有一小節鮮淮山。比你平衡下（心理上）
白胡椒海蝦係另一味常叫既菜。因為一打開房門未拎入黎都會聞到係佢啦。隻隻都大件頭。蝦殻炸得透又上滿胡椒氣息。基本上係薯片咁食得曬。而蝦肉又彈口而且鮮味。平時呀姨唔食蝦佢果隻一定比我解決埋。
平時飲開大盅燉湯。今次就試到蘿白牛骨清湯。同平時食清湯腩個湯比。呢到係更加既清但係牛肉既鮮美一點不減。蘿白既清甜更加係表露無遺。牛骨一件連筋一件連肉。筋既膠原滿瀉。係口入面化開。肉既亦都淋透。舌頭輕輕一壓就絲絲分開。
美人叉燒係老爸最愛。佢話係真係美人燒既我真係唔信囉。呢到用既枚頭肉係小組肌肉連成。
肉味濃而有咬口。又唔會過肥過乾。記得要有焦位既一塊。麥芽既焦香令佢更上一層樓。
生魚卷係舊式手工菜。將生魚起片包上三絲。用油輕泡至剛剛熟。生魚獨特既甜味加上三絲既提鮮。清新的感覺將悶熱既天氣掃清。
柚皮係母親大人之選。原因好簡單。就係自己整好麻煩。呢到既柚皮夠厚。同埋處理做得夠好。令到佢鬆化得黎冇澀味。唯獨係冇叫佢多蝦子。話說平時有備註既版本係鋪滿蝦子的。
琵琶鴨沒有平時街外食既乾身。肉汁比夠豐富。而皮就梗係脆卜卜啦。用上自家醃料。令鴨臊味減低之餘。鴨肉更加香。
單尾黎個稻庭面。魚湯濃郁鮮甜。稻庭面掛湯得黎又夠爽滑。班片最正係個皮。夠厚夠彈一睇就知係大班起出黎。夠滿足！
最後整件棗容糕。面頭有金箔點綴真係即時高貴得多。棗味十分香濃。甜度控制得剛好。煙煙韌韌。一個唔錯既結尾。
店方慶祝廿五週年。至五月中都有七五折。炸炸臨卜埋位同母親大人食多次！
Post
