麗嘉酒店咖啡閣 (Closed)

要拿專業意見，約個專業人士傾計。原來專業人士除左收得貴，仲好難就時間，結果就來就去，要今朝八點在這裡講。已不止一次來吃早餐，不過今次就食自助餐。來的時侯八點未夠，都有三幾檯客，眼見都是附近返工的人多。自助早餐雖然收得唔平，但選擇不算十分多，當然質數不算差。由熱盤開始，有雞粥、點心、即製薯餅同各式蛋類。有凍肉及芝士，不過都係各得一碟，鬆餅大大個，是當店製，味道不錯。連麥片也只得兩款，算少的了。除了奶，還有紅蘿蔔汁、橙汁及西柚汁三瓶，算不錯。貴為六星級酒店，食物當然不會差，但不能說好，交到功課咁啦。埋單430蚊，每人盛惠一百九十五蚊再加一，幾貴。不過環境真的不錯，人不多，幾清靜，如果有公事來傾野就最適合。