鱈卵屋 (Closed)

好耐無食鱈卵屋，今日同老公講起突然間好想食，所以下午打定個電話上去Book，夜晚7點半去到就有得入座，個位上面仲有寫我個名，呢間真係非常細心的日本餐廳。入去之後店員帶我地去張枱坐底，原先以為只係普通一張無人坐的枱，點知見到自己個名，其實都幾驚喜。一人先黎一杯Wiskey，入口覺得淡淡地，但點知愈飲愈起勁，兩個人都飲到面紅紅。冰凍Wiskey配明太子好清新！三米魚籽配蘿蔔蓉，連平時我完全唔食蘿蔔蓉，都覺得撈埋左之後好好味，三米魚籽入口脆卜卜會爆開，鹹鮮味！仲有果個辣辣魷魚都好味，辣得黎好刺激，魷魚軟軟地咁。到我至愛的明太子烏冬，只能夠話每次都係因為佢而來，唔好覺得明太子好似好少，其實撈埋之後係剛剛好，個份量有計過，食落唔會得個鹹味，而係仲有鮮甜。個烏冬本身都好好味，入口軟軟綿綿，但唔係煮到爛哂個種，少少彃少少軟。之後叫多碟明太子，用黎配Wiskey，仲可以夾少少撈落唔同菜式，個種鹹鮮味係香港其他地方好少食到。黎多個燒三文魚腩，魚脂香味大爆發，入口有魚油香，魚肉都唔會燒到好柴，係外脆內軟個種感覺。最後加多個招牌鱈卵碗三食，一食就係直接拌勻所有新鮮材料，二食就係加調味配料，三食就加湯，我自己