Video
Read full review
2009-07-03
54 views
今晚又係一月一會同李某、鍾某同麥某嘅飯局...今次我見議嚟呢度....因為我好想試好耐....地點唔好搵而又唔難搵...因為我問咗警察叔叔，經佢哋明燈指引下...好快我哋已經七點鬆到達啦~~因為李某搵地方泊車...所以佢遲成半粒鐘先到...喺佢仲未到時我哋唔理三七廿一...叫咗個海蜇頭同椒鹽多春魚送啤酒...海蜇頭,,,比較碎...味道不過不失...反而椒鹽多春魚味香酥唔油膩....佢好肥美.....正....之後李某到啦...當然點菜啦...我哋order咗豉油皇乳鴿，個個讚不絕口...肉嫩味美...啜乳鴿骨最開心，因為好入味，連骨中啲汁都唔會放過。乳豬半隻上場...皮脆肉香少肥膏，入口層皮好似食泰國脆豬肉乾咁，味道一流....唔會好咸而有味....我提議大家唔沾醬先可以感受到真正嘅乳豬。胡椒豬肚大蜆湯......好一般又唔夠辣....豬肚我冇食....蜆好細粒，冇人讚大概都係一般啦。豉油皇鵝腸....呢味係我最期待嘅一味餸...不過亦係我最失望嘅一味.....,原因分量超少....芽菜係鵝腸2.5倍...不特止...仲要冇嚟味道唔掂。薑蔥蠔煲得唔知5-6隻蠔，雖然size都中上大隻
地點唔好搵而又唔難搵...因為我問咗警察叔叔，經佢哋明燈指引下...好快我哋已經七點鬆到達啦~~
因為李某搵地方泊車...所以佢遲成半粒鐘先到...喺佢仲未到時我哋唔理三七廿一...叫咗個海蜇頭同椒鹽多春魚送啤酒...海蜇頭,,,比較碎...味道不過不失...反而椒鹽多春魚味香酥唔油膩....佢好肥美.....正....
之後李某到啦...當然點菜啦...我哋order咗豉油皇乳鴿，個個讚不絕口...肉嫩味美...啜乳鴿骨最開心，因為好入味，連骨中啲汁都唔會放過。
乳豬半隻上場...皮脆肉香少肥膏，入口層皮好似食泰國脆豬肉乾咁，味道一流....唔會好咸而有味....我提議大家唔沾醬先可以感受到真正嘅乳豬。
胡椒豬肚大蜆湯......好一般又唔夠辣....豬肚我冇食....蜆好細粒，冇人讚大概都係一般啦。
豉油皇鵝腸....呢味係我最期待嘅一味餸...不過亦係我最失望嘅一味.....,原因分量超少....芽菜係鵝腸2.5倍...不特止...仲要冇嚟味道唔掂。
薑蔥蠔煲得唔知5-6隻蠔，雖然size都中上大隻，不過都成本18x就好似唔係好值啦，事關啲蠔煮得老咗啲....比較硬囉~~味道都唔錯!
豉油皇炒麵，呢個我本人十分欣賞，麵乾身而不膩，味道剛好，俾我清咗碟。
啫啫生菜煲，呢味餸等咗半粒鐘咁泄，上到枱~~嘩~~真係好咸香，以為會好咸，不過食落又ok喎，但係比較油囉。
成晚飲咗都好似成五六支藍妹，埋單$13xx，食物同服務都算唔錯，所以有機會我會再嚟試埋佢其他菜式。
Post
