Video
Read full review
2008-03-26
10 views
mmmmm 好老實其實每次去搵野食前, 去睇人地寫既食評, 我都會對人地寫既野有保留, 有幾多係真幾多係假, 心照. 好啦, 廢話講完.有次同個朋友去行街啦, 有人比左張flyer比我個fd, 跟住佢就比佢地d 裝修相吸引左, 入到去環境真係幾好, 地方都夠大同靚, 環境真係算中上, 佢地d水晶燈為佢地加左唔小分.不過坐低左就係另一回事, 一坐低以為佢地會有table water provide啦, 又唔係hotel 係味, 無…okay …that fine, 試下佢地d beverages 都好, 一睇menu 又好似無咩野好飲咁, 無dom perignon, 亦都無咩出名既wine, 我要between the sheet 呀唔該, ……………(d 點點係個waiter 既反應) okie …. 咁唔該比杯lem perrier 我呀跟住佢行開左, 過左一陣個manager 走左過黎問多次我要咩, 原來佢地無Perrier. 我果時已經唔敢左問, 我見我個fd d 野飲黎左, 我叫佢比多一杯我就算.到食野, 個沙拉正常, 個goose liver roll 正常, 到個飯, (
有次同個朋友去行街啦, 有人比左張flyer比我個fd, 跟住佢就比佢地d 裝修相吸引左, 入到去環境真係幾好, 地方都夠大同靚, 環境真係算中上, 佢地d水晶燈為佢地加左唔小分.
不過坐低左就係另一回事, 一坐低以為佢地會有table water provide啦, 又唔係hotel 係味, 無…okay …that fine, 試下佢地d beverages 都好, 一睇menu 又好似無咩野好飲咁, 無dom perignon, 亦都無咩出名既wine, 我要between the sheet 呀唔該, ……………(d 點點係個waiter 既反應) okie …. 咁唔該比杯lem perrier 我呀跟住佢行開左, 過左一陣個manager 走左過黎問多次我要咩, 原來佢地無Perrier. 我果時已經唔敢左問, 我見我個fd d 野飲黎左, 我叫佢比多一杯我就算.
到食野, 個沙拉正常, 個goose liver roll 正常, 到個飯, (黑松露菌白鴿胸意大利飯) 可能佢地唔識分咩係鴿胸, 咩係bb鴿, 黎左兩舊bb鴿(連wind), 鴿胸連wing((笑) (果個應該係中式乳鴿一開四既cut法) ….. 個飯….. 有好強勁既白酒味, 我仲以為佢到瀉左支酒, 都算啦, 心諗可能支酒好貴呢, 低呀! 之後再黎多個薯容焗seafood, 我了左d 薯容, 入面係一舊舊既, 佢地好似唔知薯容係要隔過先用得. 同d 薯仔又唔sweet 又無質感, 如果d薯容係一舊舊既應該好”粉”呀, 佢又唔係, 唔通佢落左cream去焗薯容? 定係一間restaurant 連薯仔都唔識去分咩薯仔係用黎焗? 咩係用黎做side, 到d seafood 先精彩, 我食左一舊就無食lu, 原來le 間restaurant 係用d急凍seafood 去比客食, 仲要係最cheap 既急凍seafood….. 之後到甜品, 可以已經覺得佢地做野好無誠意…無咩特別感覺.
去到後面個manager 走過黎問我d野點, 記唔記得之前我味話d 飯有酒味既, 佢居然話唔會嫁woo, 意大利飯唔會落酒. 咁即係點呀? 煮野果個想特別d, 定你地內部溝通有問題你唔知佢地d 野大約點煮呀? 到d seafood, 我真係唔識講, 因為唔係煮野果個有問題, 係間restaurant 有問題, 會唔知自己入左d 咩貨嫁咩? 如果無果d材料or d 材料唔夠好可以當晚唔供應果款野個woo, Miami d restaurant 成日都係咁嫁啦d sea base 唔靚你pls 佢地都無得食嫁, 佢地無靚裝修, 無人幫你開門, d野仲要平, 三十幾一個set 不過人地有誠意個你地好多, 唔新鮮既seafood 唔會供應. 一間無table water 既restaurant 原來係用d 急凍seafood 招呼佢地既客人, 真係好無禮貌同好唔professional, 完全唔重視自己個名. 我最嬲係le 樣, 完全無誠意! 講真幾百幾千一餐食得開心真係唔緊要, 平有平食貴有貴食, 不過起X 唔會食到一肚氣, 有錢d 去新同樂豪食食完你會覺得貴, 不過好開心, 係尖咀30幾食個海南雞飯都好開心, 因為物有所值(有間d海南雞真係好正, 無骨既).
其實好想同果間野講, 想搵多d錢唔係咁想搵, 唔係扮high 扮pro 就會比你搵到, 好多野真係要拿個心出黎, 要付出既, 你出到咁多國家既菜我真係唔知你精邊樣, 每一個地方既野食都有佢地既特色同做法, 你比d 咩質數既野你既客人, 你既客人就會係心中計算下次仲應唔應該黎, 人好衰既, 有時記性好好, 唔好當d 客傻既至得嫁…
多謝有心人睇完, 我樣樣都得, 不過真係接受唔到d “呼顯”文化. 我都估唔到我第一編野會寫d咁既野……lol
Post