一風堂 (希慎廣場) (Closed)

又係食拉麵嘅時候，對拉麵真係百食不厭嘅。今次叫咗呢個叫做橫浜家系豚骨拉麵，一放碗拉麵落枱面已經聞到好濃烈嘅醬油味，望落去油分充足，糖心蛋有啲流心咁嘅樣子，而我叫嘅係燒叉燒，面頭有啲焦，見到已經流口水。試咗一啖湯頭，佢唔係普通嘅豬骨拉麵，而係帶有豉油味嘅豬骨湯，都幾特別。佢用嘅面係中太面，都幾有咬口，好正。叉燒勁香，有炭燒嘅風味，超好食呀。鰻魚串夠晒多汁，而且好甜，得一舊完全係唔夠皮，不過可能擺得耐左，凍咗啲，扣分。芝麻菠菜係嗰涼拌，好香日本麻油味。望餐牌嘅時候呢豚肉飯好吸引，嚟到個樣呢就麻麻哋喎。放落口呢又唔係好差，豚肉都好香因為燒過，啲飯同埋啲汁都好好味，唯一不足之處就係有少少林啲飯。今次都好飽，不過不失啦。