得如酒樓 (Closed)

「阿姐，呢期生意好好噃。」「係呀，D人好鍾意嚟飲早茶…你都日日嚟吖，我地五點已經開啦，仲有外賣！你返工前買個早餐都好！」「（汗）我成日嚟，不過今日買外賣…」「哦，係咩？咁要多件蓮蓉酥吖？」「哎？」「你要『嫁女餅』嗰隻蓮蓉酥嘛！」「阿姐，我要既係合桃酥…。」要了雞球大包做早餐，加件合桃酥：雞球大包個底成個茶杯碟咁大；與其叫「雞球大包」，不如叫「啖啖肉大包」- 個餡除咗係勁薑蔥豬肉粒撈雞肉粒撈冬菇之外，仲搭半隻雞翼同一隻鵪鶉蛋…好一個energy boost。合桃酥都不甘示弱：成塊面咁大之餘，仲有陣「臘味」味…好香既豬油，好鬆化既酥。係舊式茶樓食早餐，就係咁開心。