蓮 (Closed)

又一間m.a.x. concepts餐廳，裝修唔錯，尤其喜愛個蓮花池(不過好似細咗少少...一見到個池又令我諗起Landmark間文華嘅MO Bar)。是日嚟食lunch，lunch set價錢由125至185不等，有一款小食(選擇有春卷、蒸粉包、柚子salad等)同主菜，不過唔包飲品。我要咗個牛肉河加蒸mushroom粉包，朋友要咗個pork belly跟春卷。個蒸粉包味道唔錯，不過略嫌個底厚咗啲，咬開見到有幾層粉皮疊埋一齊；個牛河就唔夠熱，河粉ok啦，牛肉講明係US beef，不過不失啦，個湯就好濃，睇個色就已經知(因為幾啡吓)，跟牛河會另上少少芽菜，一細條油炸鬼(不過炸到過脆嗰隻)，mint leave，青檸。朋友個pork belly set就睇個樣ok啦，幾舊用豉油醃嘅豬腩肉囉，跟白飯一大碗(真係幾大碗吓)，個春卷又係一般越南餐廳都做到嘅味道囉，唔太特別。lunch set portion都算ok，不過例如我個set要125蚊得碗粉同兩件蒸粉包...個味道又唔係特出，我覺得唔抵食，不過見佢新開張，可能會再試多次(可能試夜晚)睇吓係唔係真係唔值得再去。