759雲吞麵 (Closed)

到底佢仲可以開啲乜？連雲吞面都撈埋。咁啱係東京街轉小巴就黎試下。腩河叫價三十都唔算平。即管睇下有冇料到。要等近十分鐘先上枱好似耐左啲。好彩有杯大話七飲住先。咸桔醬比得慷慨。滿滿細個果時食九製陳皮既味道。碗面終於都黎到。真係好大碗下。切腩有成六七塊。又夠大塊都算係咁。纖維粗左少少不過都唔硬。肉味濃郁。個湯都火候十足。口感厚身令淡淡既河粉更有食趣。蘿白大大舊。煲得透又吸滿肉湯。正！河粉絕對係大埋頭。食極都仲有。細食者叫扣底可以有衣食啲。