LM Cafe (Closed)

觀塘工廠區呢一間Cafe不嬲都係平靚正之選，好多時約親friend但係又諗唔到食咩時就會去，今次果然都冇令我失望！佢個羅宋湯好大碗好多菜，其實飲完已經飽咗啲，佢酸酸地都好開胃！沙律睇落好似好晒但係其實食落啱啱好，佢個沙律汁唔係用沙律醬或者千島醬，而係用醋，冇咁肥健康啲都好開胃🤤叫咗一杯菠蘿蜜同一杯黑牛！啲菠蘿蜜酸酸甜甜咁，好清涼好好味！而黑牛角朱古力雪糕都好大球，唔似其他餐廳咁得兩啖😍😍牛油帶子意粉真係好好食😍😍❤️啲牛油好香，帶子又好鮮，食落唔會太肥膩，值得推薦呀🙈不過食到最底嘅時候會有啲油，我覺得都接受到嘅🤤呢個扒餐真係好大份！牛排有兩大塊，仲有一條荷蘭腸！啲牛扒熟得啱啱好，好林！