Pickabowl (荃新天地2)

Open Now

Now Closed

之前同friend上網搵嘢食見到Pickabowl可以食清新的夏威夷蓋飯，已經好想試，今次專登嚟到荃灣Pickabowl探店，睇吓究竟食乜東東😋😋😋原來係用自家製醬油和醬料醃製不同食物，例如三文魚、吞拿魚，配上其他健康食材例如黃薑椰菜花、白飯、糙米飯、烏冬、沙律，意外地好好味😋由於第一次去食，店員好耐心解釋餐牌，佢建議第一次最好揀套餐，因為味道都係餐廳親自調製好，味道有保證，當然有勇氣都可以第一次就自選DIY😀我揀咗夏威夷四重奏，牛油果好大嚿，而且好新鮮唔會起晒筋，好好食，雖然配沙律以為唔太飽，但因為份量多，而且餐廳將材料例如青瓜紅椒切到細細粒，所以其實裏面好足料！朋友揀咗泰式青檸熟蝦，好多隻蝦之餘，每一隻都彈牙爽口，配上青檸味好清新，夏天食真係啱晒，呢個醬汁超好味，配烏冬真係一絕😋😋為咗健康，專登配多個特飲Superfood，裏面有羽衣甘藍、紅菜頭、蘋果、檸檬和藍莓，入口先有羽衣甘藍味，跟住有紅菜頭同蘋果嘅甜味，尾隨檸檬嘅酸味，好特別👍🏻感覺將健康一啖吞落口，正！