一芳台灣水果茶 (Closed)

仍然都仲係停留於台灣旅行症候群，所以好鍾意台灣的美食，再加上上次係台灣飲個杯水果茶真係好好飲，所以就愛上左水果茶。一芳係香港賣水果茶都好出名，但我自己就未試過，今次咁啱同朋友講開，我地就一齊去買嚟飲啦。我地就揀左一芳水果茶走甜，因為水果本來已經有甜味，只要搖匀就ok，佢入面有蘋果、橙、百香果、菠蘿，味道都幾好味，好香甜的水果味，特別菠蘿係最好味，原來一芳有菠蘿茶，下次要試下。不過我個人覺得一芳個杯的設計不太方便食入面的水果，要開唔太容易，但整體來講，都係好好味的。