Video
Read full review
2006-05-22
38 views
食完蘇記嘅豬扒麵，意猶未盡，夜晚再嚟呢度同女友一家大擦一頓。深水埗夜巿大排檔我都食得七七八八，但偏偏就未食過呢間，今晚真係有食神...叫咗都唔知幾樣餸，再加數瓶啤，差D食到反枱咁滯:1)炒生腸--- 加紅青椒落去炒，香味四溢，亦夠辣，生腸出奇地爽，即刻灌幾啖啤酒落去，舒服晒^_^;2)豉汁炒蜆--- 夠鑊氣亦夠多汁，可惜殼多過肉，扣分，肉質尚可；3)炸大腸--- 明符其實嘅'大'腸，size 夠巨，炸得皮脆內嫰，腸亦夠肥，亦夠香口，即刻又灌幾啖啤酒落去；4)炒油麥菜--- 好難炒得唔好食，夠油水就得...;5)沙姜雞--- 端上嚟嘅時侯係熱嘅，肉頗嫰，亦夠油水，沙姜汁就不過不失;6)煎釀豆腐--- 我哋客家人嘅名菜，不過佢哋呢個水準就爭D嘞，豆腐不夠軟滑，餡嘅份量過少，亦落唔夠肥豬肉，所以唔夠滑，嗰獻亦打得太杰la;7)豉汁蒸烏頭--- 魚當然唔係一級貨la，無乜黃油，不過D肉就幾滑，小弟係魚王，所以差唔多包辨大半條；8)豉汁蒸倉魚--- 唔夠喉，再嚟一條，調味一樣，魚當然亦唔係上等貨，但小弟依然'擦'晒；9)豉汁(又係^_^)炒蟶子--- 夠鑊氣，可惜蟶子唔夠肥美，我同女友上星期係旺
叫咗都唔知幾樣餸，再加數瓶啤，差D食到反枱咁滯:
1)炒生腸--- 加紅青椒落去炒，香味四溢，亦夠辣，生腸出奇地爽，即刻灌幾啖啤酒落去，舒服晒^_^;
2)豉汁炒蜆--- 夠鑊氣亦夠多汁，可惜殼多過肉，扣分，肉質尚可；
3)炸大腸--- 明符其實嘅'大'腸，size 夠巨，炸得皮脆內嫰，腸亦夠肥，亦夠香口，即刻又灌幾啖啤酒落去；
4)炒油麥菜--- 好難炒得唔好食，夠油水就得...;
5)沙姜雞--- 端上嚟嘅時侯係熱嘅，肉頗嫰，亦夠油水，沙姜汁就不過不失;
6)煎釀豆腐--- 我哋客家人嘅名菜，不過佢哋呢個水準就爭D嘞，豆腐不夠軟滑，餡嘅份量過少，亦落唔夠肥豬肉，所以唔夠滑，嗰獻亦打得太杰la;
7)豉汁蒸烏頭--- 魚當然唔係一級貨la，無乜黃油，不過D肉就幾滑，小弟係魚王，所以差唔多包辨大半條；
8)豉汁蒸倉魚--- 唔夠喉，再嚟一條，調味一樣，魚當然亦唔係上等貨，但小弟依然'擦'晒；
9)豉汁(又係^_^)炒蟶子--- 夠鑊氣，可惜蟶子唔夠肥美，我同女友上星期係旺角街市買嗰D靚好多。
真係食到七個一皮，埋單都只係五百幾，有冇計錯數lei..?
Post