Video
Read full review
2021-03-04
62 views
（❗️❗️❗️❗️食物跟上一次唔同，有多項新食物。沒有在同一次光顧後出了兩個post，圖片角度都不一樣。請檢查清楚，謝謝！）Tapa Room (積福大廈)地址: 銅鑼灣謝斐道415-421號積福大廈地下B號舖今日同朋友嚟咗銅鑼灣搵食，依排見好多foodie朋友都推介Tapa Room依間西班牙餐廳，我就決定同朋友一齊嚟試吓！聽日就三月，勁多assignments，哭！Octopus Carpaccio $78入面八爪魚片嘅份量都幾多，仲都切得幾厚。八爪魚新鮮，唔韌。八爪魚用咗慢煮嘅方法，配埋特別嘅香料一齊食都幾開胃～Jamon Iberico 24 Months $88西班牙黑毛豬火腿都唔錯，聞落好香，食落都好甘香，鹹鹹地。Pan Seared Foie Gras $96依個小食有香煎鵝肝、脆包同埋紅酒梨片，估唔到食落都幾夾。鵝肝都煎得幾靚，夠大舊，好香油脂味。下面個包都好脆，配埋一齊食冇咁油膩。紅酒梨片好特別，甜甜地。Tortilla De Patata （Spanish Potato Omlette) $78蛋餅脹卜卜，裏面有好多薯仔，薯仔好淋，已經變成蓉。蛋餅面頭仲會有一大pat蛋黃醬
Tapa Room (積福大廈)
地址: 銅鑼灣謝斐道415-421號積福大廈地下B號舖
今日同朋友嚟咗銅鑼灣搵食，依排見好多foodie朋友都推介Tapa Room依間西班牙餐廳，我就決定同朋友一齊嚟試吓！聽日就三月，勁多assignments，哭！
Octopus Carpaccio $78
入面八爪魚片嘅份量都幾多，仲都切得幾厚。八爪魚新鮮，唔韌。八爪魚用咗慢煮嘅方法，配埋特別嘅香料一齊食都幾開胃～
Jamon Iberico 24 Months $88
西班牙黑毛豬火腿都唔錯，聞落好香，食落都好甘香，鹹鹹地。
Pan Seared Foie Gras $96
依個小食有香煎鵝肝、脆包同埋紅酒梨片，估唔到食落都幾夾。鵝肝都煎得幾靚，夠大舊，好香油脂味。下面個包都好脆，配埋一齊食冇咁油膩。紅酒梨片好特別，甜甜地。
Tortilla De Patata （Spanish Potato Omlette) $78
蛋餅脹卜卜，裏面有好多薯仔，薯仔好淋，已經變成蓉。蛋餅面頭仲會有一大pat蛋黃醬，醬汁嘅配搭令蛋餅口味更豐富。
Mussells with Chorizo & Sweet Tomato $88
青口利用咗西班牙肉腸同埋車厘茄一齊炒，都幾惹味。青口新鮮，肉質飽滿，份量仲好多添！
Iberico Pork Chop in Sherry Vinegar Gravy $158
依款慢煮黑毛豬鞍架我期待咗好耐，之前已經見到好多人食！黑毛豬好厚，啲肉都幾滑，有啲位仲會煎到焦焦地，好脆。隔離仲有好多炸薯粒，配有些厘醋燒汁。薯仔細細粒，好淋，醬汁甜甜地，配搭唔錯。
Orange Juice $48
橙汁好fresh，有時食物比較油嗰陣可以解膩！飲落都幾新鮮，凍冰冰。
Virgin Sangria $58
飲品裏面包含咗唔同嘅莓同西柚，飲落甜甜地又酸酸地，幾得意。呢款係一杯梳打飲品，所以有氣，好爽！
Post