18 Grams (Closed)

今日黎上環做野，見已經係下午茶時間，想搵個地方坐低抖下。 檸檬撻加草莓sorbet，配上新鮮什果，sorbet 酸酸地，檸檬撻成個配搭都好清新，有少少檸檬皮同果香。八掛問過舖頭的人，原來係佢地自家制的，唔怪得味道咁特別好味啦。 另外我仲叫左杯Americano，掛住飲唔記得影相，18 grams 係出名賣咖啡的，好多附近返工的人每朝都會黎呢度買返一杯外賣拎返公司慢慢飲。醒一醒神，咁佢地的咖啡質素梗係有保證啦。