Video
Read full review
2017-11-28
407 views
好快又到12月一個充滿節日氣氛的月份，不過要約齊一大懂朋友慶祝真係好鬼難，所以一班老友鬼鬼晨早就約好開爬地！地點揀左中環蘭桂坊和安里內的Westwood Carvery，記住係和安里唔好去錯安和里呀！我就比老婆大人老點咗去安和里喇😒！！ 係餐廳一樓的包場只要＄12000就可以，十幾條友仔比個預算＄600/位等餐廳發板，當然一定要主打招牌的USDA Prime Rib啦。 有佳肴梗你唔少得美酒啦！紅、白酒、汽水各有喜好，食靚牛我緊係飲經酒啦。 先上海鮮拼盤新鮮就可愛，呢度全部都係可愛小精靈，龍蝦好爽甜，生蠔絕對信係男士恩物，不過最正係青口又軟又滑十是美少女一樣，另外紅蝦同帶子杯都好唔錯喎！ 再來一碟雜菜沙律新鮮清爽冇水流流整得好企理。 肉食拼盤中的被我譽為今夜情人USDA Prime Rib出場喇！艷光四射肉香滿瀉，令人即刻沉淪肉海永不超生！ 用左10多個鐘頭慢煮的Prime Rib一切開肉汁緩緩地流出，粉嫩迷人的肉色好令人瘋狂，擁有外香內軟口感，味道濃而不羶的牛香太妙了，老婆大人此刻都要靠邊站啊！ 另一款Beef Short Rib都唔輸蝕，筋膜的煙韌加上牛油作祟香口得緊要，鍾意食
係餐廳一樓的包場只要＄12000就可以，十幾條友仔比個預算＄600/位等餐廳發板，當然一定要主打招牌的USDA Prime Rib啦。
有佳肴梗你唔少得美酒啦！紅、白酒、汽水各有喜好，食靚牛我緊係飲經酒啦。
先上海鮮拼盤新鮮就可愛，呢度全部都係可愛小精靈，龍蝦好爽甜，生蠔絕對信係男士恩物，不過最正係青口又軟又滑十是美少女一樣，另外紅蝦同帶子杯都好唔錯喎！
再來一碟雜菜沙律新鮮清爽冇水流流整得好企理。
肉食拼盤中的被我譽為今夜情人USDA Prime Rib出場喇！艷光四射肉香滿瀉，令人即刻沉淪肉海永不超生！
用左10多個鐘頭慢煮的Prime Rib一切開肉汁緩緩地流出，粉嫩迷人的肉色好令人瘋狂，擁有外香內軟口感，味道濃而不羶的牛香太妙了，老婆大人此刻都要靠邊站啊！
另一款Beef Short Rib都唔輸蝕，筋膜的煙韌加上牛油作祟香口得緊要，鍾意食骨的朋友一定滿意。
唔食牛既朋友可以食Smoked Cornish Hen，煙燻味幾夠唔錯，仲有Baby Back Pork Ribs記住點埋個BBQ汁食一流。
拼盤中有D配菜最好用黎清清肉類油膩，我就好鍾意隻薯仔淋淋的合我呢個老嘢！
另外仲有烤菇、忌廉粟米都好鬼正架！
甜品由女仕們發板佢哋揀咗Earl Grey Cup Cake，估唔倒又幾好味喎！尤其是面頭那篤奶油香滑唔在講仲要唔漏我好like呀！
Post
