Tapas Brew (Closed)

炎炎夏日，想起旅行，想到西班牙的小吃，款式超多，去唔到咁遠，無問題，本地都有好多西班牙餐廳，前排U Food 介紹，大角咀有新開抵食。Happy Hour 紅酒買一送一，西班牙的，酒廠不認識，body幾好，air夠，都幾順喉，始終是新酒，過得去，$48/杯，絕對飲得過。食咗多款小食，最欣賞以下：Tapas中我必選番茄粒多士，呢度一客有4片，兩拼特色番茄粒及沙甸魚，份量豐富，厚厚的塗在香脆多士上面，番茄粒加入香料，就係鐘意呢種清香脆口的味道，沙甸魚味都清，無腥味，唔講以為係吞拿魚。橄油蝦亦係我必選啲，呢度用本地新鮮蝦，煎得香，蒜片亦多，橄欖油香都不得了，蘸多士食唔浪費。