季季紅風味酒家

Open Now

Now Closed

今日下晝屯門醫院複診，完咗之後啱啱喺季季紅下午茶時間，順道搭兩個站過去⋯去到好似以往咁，平日人不多即時有位，但係要搭枱，冇所謂啦，一個人，費事麻煩侍應開多張枱⋯拎起張下午茶優惠點心紙。竟然發現有兩樣新嘢⋯⋯豉蒜排骨（其實是平時嘅蒸豉椒排骨）同醬皇牛雜（應該係滷水牛雜）⋯有新嘢，梗係要試吓⋯另外再叫咗平價之最：炸懷舊蝦春卷、花膠棉花雞⋯最後仲叫咗燒味湯粉選項：燒肉瀨粉一嚟就四樣點心一齊嚟：豉蒜排骨$16醬皇牛雜$16炸懷舊蝦春卷$10花膠棉花雞$10豉蒜排骨份量正常，味道可以，略嫌質量麻麻地，骨頭位太多，不過有時食呢啲嘢就真係講彩數嘅，我就試過就算啦⋯醬皇牛雜味道係滷水味，都唔錯，好夠腍，都係試過就算炸懷舊蝦春卷即叫即炸冇得輸，熱辣辣脆卜卜花膠棉花雞又係即叫即蒸，正常發揮，正常份量最後加的燒肉瀨粉$20燒肉瀨粉燒肉脆卜卜超水準，燒肉與瀨粉分開上，避免燒肉皮浸腍，好多地方都做唔到，俾個讚佢同場發現一個被我忽視嘅優惠，就是生滾粥，下午茶時段，係$15一碗，即叫即煲，難怪同場咁多人都叫⋯另外有多了一張下午茶特別介紹⋯