季季紅風味酒家

Open Now

Now Closed

多謝好姐妹邀請🥰今年有幸再參加香港唯一地下石爐燒製金豬宴 👍👍無敵蜜餞叉燒👍響螺蝴蝶腩豬肺頂金銀菜湯味道偏咸蒜香春卷、咸水角蝦餃、燒賣、叉燒包新界石爐大燒豬瑤柱福建炒飯石爐燒鵝蒜蓉炒玉蘭奇妙醬蒸新界烏頭魚杞子桂花糕

2024年11月5號在網上兌換有米豬劵送貨，兌換後便隨手掉左張劵。11月6號check 返email 先知原來收貨後要有交還實體劵。諗住打去cs 睇下可以點處理。因豬劵上沒有條款說明，網上兌換後要交還實體劵。Cs 說網上有送貨條款列明，睇返網上訂購，兌換主頁係冇寫的！要另外再按返送貨條款先有寫，作為顧客我想兌換隻豬姐，係咪要睇哂你網上面d 條款先可以唔中伏？白白哂錢浪費金錢買左張豬劵廢紙，仲要一吐氣，不知所謂！cs 的態度好差，有佢講冇人講！我未講完，不停插嘴！

今日下晝屯門醫院複診，完咗之後啱啱喺季季紅下午茶時間，順道搭兩個站過去⋯去到好似以往咁，平日人不多即時有位，但係要搭枱，冇所謂啦，一個人，費事麻煩侍應開多張枱⋯拎起張下午茶優惠點心紙。竟然發現有兩樣新嘢⋯⋯豉蒜排骨（其實是平時嘅蒸豉椒排骨）同醬皇牛雜（應該係滷水牛雜）⋯有新嘢，梗係要試吓⋯另外再叫咗平價之最：炸懷舊蝦春卷、花膠棉花雞⋯最後仲叫咗燒味湯粉選項：燒肉瀨粉一嚟就四樣點心一齊嚟：豉蒜排骨$16醬皇牛雜$16炸懷舊蝦春卷$10花膠棉花雞$10豉蒜排骨份量正常，味道可以，略嫌質量麻麻地，骨頭位太多，不過有時食呢啲嘢就真係講彩數嘅，我就試過就算啦⋯醬皇牛雜味道係滷水味，都唔錯，好夠腍，都係試過就算炸懷舊蝦春卷即叫即炸冇得輸，熱辣辣脆卜卜花膠棉花雞又係即叫即蒸，正常發揮，正常份量最後加的燒肉瀨粉$20燒肉瀨粉燒肉脆卜卜超水準，燒肉與瀨粉分開上，避免燒肉皮浸腍，好多地方都做唔到，俾個讚佢同場發現一個被我忽視嘅優惠，就是生滾粥，下午茶時段，係$15一碗，即叫即煲，難怪同場咁多人都叫⋯另外有多了一張下午茶特別介紹⋯

見得閒又搭車去藍地季季紅食佢下午茶雖然佢由一點半開始但係我多數都兩點幾先去到今次去到全場爆滿咁唯有搭枱啦一開始叫咗$10傳統懷舊蝦春卷🍤🦐$10花膠棉花雞🍗$19黑椒牛仔骨🐮$26胡椒豬雜寶🐽（這不是下午茶優惠）哈哈！叫四樣嘢，有兩樣冇⋯牛仔骨次次叫次次無⋯心諗佢都係冇㗎啦⋯但係估唔到連頂點胡椒豬什寶都無⋯😓好⋯算⋯想俾多啲你賺都唔得叫返個⋯$20叉燒瀨粉代替果兩個冇嘅點心就係因為咁樣收費就變成$10加$10加$20再加茶錢$9最後總數$49 +1服務費變成埋單$54真係抵到呢，唔知點講囉！😌

網上睇到藍地季季紅超值下午茶平日星期一至五最平$10有交易已不知第N次幫襯叉燒瀨粉$20叉燒有燒香味 性價比超高 份量正常 亦可試佢嘅米粉爽軟幼滑懷舊鮮蝦春卷$10春卷即叫即炸熱辣辣 份量不大味道不錯用料簡單就是蝦跟豬肉蝦餃$26 不是下午茶優惠用料鮮蝦及肥豬肉賣相超正，味道可以 之前食過佢嘅豬膶燒賣 豬潤味濃 加上大大粒鮮蝦肉丸$10花膠棉花雞 花膠雞件冬菇蟹柳 份量大大份 感覺超值優惠下午茶提供數款炒粉麵 見人食 份量超大份 夠三個叔叔伯伯享用其實佢原價點心都不是太貴原價點心紙供大家參考

明白中午繁忙時段工作人員都繁忙，但從落單到點心上到，需時約35分鐘。當前後分別問及兩名侍應時，他們的答覆均為「我唔知，我唔係負責蒸個個」。其實我都係想了解有否甩單而已。最後點了5至6個點心，只上了3個，是否甩單，不得而知！

新年同一眾好友過節 🔥新年期間選擇唔多 估唔到季季紅有新年餐可以揀即刻就訂左幾款出名既野食同朋友一齊食😎外賣直送到樓下 好方便 保暖做得唔錯 仲熱辣辣唔洗出街行 安坐家中就可以輕鬆食到美味既拜年飯🥳有米豬🐷🐷乳豬仔 好脆皮好香口 唔會太肥🤤炒飯蝦米味好出 而且充滿乳豬仔既肉汁同油香惹味又好食 份量都夠😚盤滿缽滿 - 盆菜相當足料 差啲就食唔晒🤣大蝦 明爐燒鴨 新鮮切雞 大花菇 元貝 髮菜 等等魚蛋同魷魚吸晒啲醬汁 彈牙又鮮味✌🏻季季紅龍門雞🐔原味白切雞 濃郁雞味 雞肉又嫩滑又結實唔錯Overall 好食 會再幫襯！方便指數: 3/5 環境指數: 4/5回頭指數: 4/5地址: 屯門藍地大街1號

「有米豬」取其名即係乳豬入面有飯！ 意頭好好，所以我爹哋成日都嗌，食過好多次 每次都食唔停！外賣速遞服務涵蓋範圍好廣我知道由屯門去到觀塘都可以送到由於製作需時，建議起碼三日前網上預訂！唔使出街都食到乳豬真係好正訂購時已經安排 下午 5:30至 7:30 送到，5:30 打電話來確認，未到六點到咗！.乳豬新鮮速遞 運送過程會保溫打開時熱到盪手，大概二個幾鐘後食，豬仍然熱、脆！炒飯好好食😋好甘香可能吸收左啲豬油😍.糯米飯炒得好香唔會太油膩一啖飯，一啖乳豬口感一流！值得翻單！.📍 季季紅風味酒家 (屯門)屯門藍地大街1號

來過幾次，每次都係朋友請食飯。好地道既餐廳食物：啲野係好味既。每次都點砂鍋粥，好夠料。同埋送到黎仲有泡泡。叉燒包同埋腸粉都幾好味。服務：普通啦。侍應都好熱情。響呢啲餐廳，對服務冇乜要求。環境：環境係我最唔滿意既，啲餐具真係有待改進。好多碗碟筷子都有污跡，有些擔心餐具有冇洗乾淨。。。餐廳既衛生有進步既空間。環境偏舊有得選既話我自己唔會過黎食，但係附近真係冇乜選擇。旁邊有間茶記，除此以外好似附近冇其他餐廳。

今日老友約去屯門藍地一間舊茶餐廳，話果度有特別野食，咪幾遠都去啦！藍地都係舊區，大部分鋪頭都係一層樓，第一間就系出名地下石爐燒豬，行過仲有半隻未開，等一陣tea完過來買。食完tea行去，已經換了一隻新豬。前面都有一兩個客人剛剛買完。特價80蚊一斤，比外面便宜，師傅一砍，77蚊，刀功利害，裝入個大盒，滿曬，抵食。當然最主要係味道得唔得，公平起見，馬上現場搵牙籤篤一舊食。好老實，掛係度感覺有d乾，但一食真系好正，皮薄得來係‘’鬆‘‘’’化‘，腩肉肥得來唔覺得油膩，瘦食得來唔乾唔實，

1月13日，眼科大sir，在此店讌請眼科同事，提早食今年嘅年夜飯，揾食肥華和靚媽，有幸獲邀出席，首先在此誠心，多謝大sir嘅邀請。因為幾年前，大sir，亦在此店讌請過同事，食晚飯，亦有柯打此店，招牌名物，有米豬給同事品嚐，但此道菜色，同事話味道唔係咁好，且豬身内嘅米飯及配料，都偏肥膩，此店呢道鎮店名菜，令人失望。有見及此，大sir，今晚改點咗，此店另一名物，當紅燒乳豬，今次呢款乳豬，皮脆，肉肥瘦適中，味道又好，大獲同事好評，可以講係完勝有米豬成條街，而今晚其他多款菜色，水準亦高，碟碟都食到美人照鏡，再加上，兩位同事帶來嘅，意大利及澳洲紅酒，各一枝，再加上肥華個瓶，咸亨雕皇，今餐可說是，佳餚美酒共冶一爐，真係衷心多謝，大sir，呢餐美宴🙏🙏🙏🙏👍👍👍👍

尋日叫外賣，但因爲朋友屋企中咗招，打佢同佢講轉地址。話唔比。個阿姐直頭唔想做。最候我話你照送來，我掉咗佢。佢至死死地肯轉送貨地址。呢間嘢以爲出咗名就乜都惡晒。離晒譜！🤬

早前前往藍地季季紅酒家購買燒肉，購後發現有一半燒肉係無法進食，燒肉的肥膏多到不得了，食得嗰啲部份瘦肉，鹹到不得了，差啲要入醫院洗腎，佢啲嘢不嬲都好唔掂，係近來給他在門外的燒肉吸引所以購買，心諗有冇搞錯，一盒燒肉有半盒唔食得，其實佢啲嘢已經差咗好多，出面嗰啲一盒盒餸菜已經一路都冇幫襯購買，加上職員服務又唔係好，寧願幫襯隔離嘉爵好過，喺斑馬線見到佢哋個廚房又污糟邋遢，無論怎樣肯定肯定也不會再幫襯這間酒家！

前後幫襯了二次季季紅，第一次去食感覺上還不錯的，那天點了燒乳🐷,挺香脆可口，醬汁也不錯😋例湯都好味第二次幫襯，我哋有6個人食，所以就點了招牌有米🐷,但有點失望肥膏過多，飯也不好吃，例湯也不好喝

入開藍地探人當然要搵下附近有無特別野食...睇OPENRICE 先知原來有間酒樓 仲要拎過米芝蓮當然要試試佢啦 早茶黎講,唔知附近係無咩選擇定點 ..佢都算幾爆場!!叫左幾樣野,都有D酒樓已經買少見少既點心BO~牛肉球 - 正正常常 無特別咖哩土魷- 麻麻,咖哩味濃但土魷好UN 好難咬薄餐 - 依家真係買少見少既點心,不過佢無咩料同唔夠脆邊 燶返少少就FIT啦燒賣 - 都算大粒 都係正常發揮蝦餃 - 叫做最好食果樣 但都係正正常常總結: 米芝蓮可能出名既係晚市 唔係點心既早市早市就算係普通街坊酒樓 係未名過於實?要試埋晚市先知