唐宮小聚 (新港中心)

Open Now

Now Closed

今日原本同老公去食台灣米芝蓮餐廳，不過經過佢旁邊呢間唐宮小聚，竟然俾我見到有沙田乳鴿食，抱著對乳鴿嘅一顆熱愛之心，一於改目的地，去唐宮探險。今次一共試咗四個餸，沙田乳鴿，咸蛋黃苦瓜，香脆多春魚同埋鹹雞煲仔飯，外加鴨屎綠檸檬茶。首先試個乳鴿，雖然做到皮脆肉滑，但感覺係bb鴿，無咩肉食到，失望。第二個餸多春魚，炸到香脆多汁，配個醬甜甜哋，唔錯跟著個咸蛋黃炸苦瓜，我搵唔到兩者加埋有驚喜， 好一般。最後個煲仔飯，雖然個鹹雞味道怪到我以為壞咗，但個飯真係好入味，佢仲加酸姜落啲飯度，令人食指大動。個檸檬茶就一般國內水準，不過不失。 今次試新店評價係不過不失，短期內應該唔會再去。