榆越 (Closed)

環境： 設計裝修明亮，坐位同燈都用上竹藤，休閒舒服，卡位寛落，牆壁有掛畫同大大個招牌，增添個性特色：午市職員推薦混牛湯粉同燒豬頸肉越式法包。我全都要！前者湯頭好濃味，店員話係用咗牛骨同唔同配料烹煮咗多個鐘頭而成，所以每啖湯粉都可以索到濃郁嘅湯味，呢個湯粉可自選配料，我揀咗生熟牛肉，生牛薄切嫩滑，熟牛肉厚身肉味比較濃烈。燒豬頸肉越式法包餡料豐富，配搭蕃茄青瓜清新解膩。另外，酸辣無骨鳳爪都值得推薦，有大量芫荽，非常like☺️ 鳳爪份量多，醬汁酸甜開胃好滿足。飲品方面飲埋越式滴漏咖啡同青檸梳打☺️ 前者唔係好酸，係我鐘意嘅味道☺️ 後者清新開胃