金山海鮮酒家

Open Now

Now Closed

我哋一家真係好鍾意食金山，每逢過時過節、生日慶生，諗唔到食咩嘅時候，都會揀食金山。今次我同細佬發辦，所以幾乎全部都嗌晒海鮮。細佬鍾意食蝦蟹甲殼類，所以嗌咗花甲王、大鬼蝦、奄仔蟹，我就揀咗一條東星仔同窩貼蝦膠小棠菜，當然炒菜同肉類都唔少得，就各嗌一樣。大鬼蝦我哋揀咗豉油皇做法，因為走過油，蝦殼勁香；花甲王就用咗最普遍做法，豉椒炒，夠晒惹味。奄仔用鹽焗，爆晒膏，yummy！條東星仔蒸得啱啱好，我一個人差唔多KO咗半條；窩貼小棠菜炸得香酥，蝦膠彈牙，媽咪食得好開心，仲話下次要再嗌。