順．和の味 (Closed)

食過一次覺得好好味，所以今次帶埋老公嚟試。本身驚冇位，即刻openrice bk位，12點半睇，最快1點半有枱，好彩都bk得到。去到餐廳，侍應太忙，等左陣，其實早左少少到，佢地都安排到位比我地，好感動。可惜，可能過左一半lunch時間，好多野食都賣哂，想食返牛肉烏冬，但係叫唔到。然後我地叫左牛肉飯定食+水炊雞鍋定食。都等左一陣，有野食上枱，老公見到水炊雞鍋定食好驚喜，佢一食，就已經讚不絕口。我試過個鍋個湯都好鮮，雞好滑，都好多料、好多菇同菜；而我食牛肉飯定食，牛肉係厚切嘅，不過好似有d煮得耐，就唔知係咪我唔食識，有d硬，有dd失望。但係我地兩個都好欣賞佢嘅蒸蛋，好滑+好香雞蛋味，食唔停口。食完，老公係咁話份量好豐富，好好味，要推介朋友。期待下次再嚟可以食到牛肉烏冬啦，哈哈哈！