美中·鴨子 (Closed)

是日禮拜日同屋企人去講左好耐都未試嘅美中 · 鴨子 食飯，特別黎試試佢嘅烤鴨。無book位，所以趁12點就啦啦淋去攞位先。餐廳都幾大，轉角L位入面仲有十張枱，outdoor都有位不過嗰日無人坐出面。我同媽咪黎坐低先，打算叫定填鴨，同埋少少前菜等爹哋黎再叫多啲。我地三個人總共叫左：最值得讚係個炸豆腐，炸得夠脆又唔會好多油，唔膩👍🏻個質感有啲似臭豆腐不過無臭豆腐個味。個填鴨即叫即烤，鴨皮非常薄非常脆口🦆👍🏻不過服務員唔記得同我地講個鴨會耐啲搞到我地等左好耐都唔知咩事😅胡椒包希望有改善，個包無咩胡椒味，胡椒可以落多啲。叉子燒餅好食不過比較辣，建議唔食得辣嘅朋友唔好叫喇🌶️～茶方面我地叫左三位嘅烏龍茶，但只有兩個茶壺，其中一壺有兩個茶包，另一壺有一個茶包，有啲奇怪會咁樣serve俾人🍵😅總括黎講個環境坐落都幾舒悉，間餐廳幾大，服務希望可以做得更好，食物水平👌🏻 食物價錢係尖沙嘴黎講都算合理，如果夜晚黎食應該要訂位/早啲攞位。