Video
Read full review
2017-08-10
769 views
放工後過去花墟買完花, 自然地係呢區附近開餐, 行過呢間餐廳門口覺得環境唔錯, 就同友人推門入內!餐廳面積唔算大, 但有住超高樓底, 所以坐係到感覺幾輕鬆舒服, 店內播住為人熟悉既英文歌, 心裏暗自跟住唱...............(哈哈.....)餐枱上放左呢個加拿大肉蟹海鮮拼盤推廣優惠, 都幾吸引, 下次有機會可以同個凍海鮮愛好者黎試下!打開餐牌見佢有六道菜風味晚市套餐, 價錢由$158-$258, 幾合理價, 由前菜餐湯到主菜包埋飲品, 唔駛諗啦, 就呢個!前菜包括凱撒沙律配香草脆手指, 南瓜蟹肉忌廉湯, 墨西哥蒜鹽燒蝦伴牛油果醬脆多士, 3樣一齊上枱, 份量精緻, 個湯可以一飲而盡, 口感幾幼滑; 而個燒蝦多士, 蝦肉幾彈牙, 唯個多士唔太脆身, 影響左少少口感!時令雪葩間場, 味道酸甜, 作為清除口腔味道都唔錯, 最緊要係冰凍感覺岩晒呢D咁熱天氣!主菜先黎呢客墨西哥風味烤西班牙豬肋骨配脆薯角 ($228), 有兩份燒豬肋骨, 份量豐富, 豬肋骨燒得顏色幾靚仔, 邊位仲有少少"燶邊", 食起黎仲香口!一份有成7條豬肋骨, 外邊搽上香甜醬汁燒烤, 內裏肉質口感幾嫩唔會嚡乾,
餐廳面積唔算大, 但有住超高樓底, 所以坐係到感覺幾輕鬆舒服, 店內播住為人熟悉既英文歌, 心裏暗自跟住唱...............(哈哈.....)
餐枱上放左呢個加拿大肉蟹海鮮拼盤推廣優惠, 都幾吸引, 下次有機會可以同個凍海鮮愛好者黎試下!
打開餐牌見佢有六道菜風味晚市套餐, 價錢由$158-$258, 幾合理價, 由前菜餐湯到主菜包埋飲品, 唔駛諗啦, 就呢個!
前菜包括凱撒沙律配香草脆手指, 南瓜蟹肉忌廉湯, 墨西哥蒜鹽燒蝦伴牛油果醬脆多士, 3樣一齊上枱, 份量精緻, 個湯可以一飲而盡, 口感幾幼滑; 而個燒蝦多士, 蝦肉幾彈牙, 唯個多士唔太脆身, 影響左少少口感!
14 views
0 likes
0 comments
13 views
0 likes
0 comments
時令雪葩間場, 味道酸甜, 作為清除口腔味道都唔錯, 最緊要係冰凍感覺岩晒呢D咁熱天氣!
時令雪葩
10 views
0 likes
0 comments
主菜先黎呢客墨西哥風味烤西班牙豬肋骨配脆薯角 ($228), 有兩份燒豬肋骨, 份量豐富, 豬肋骨燒得顏色幾靚仔, 邊位仲有少少"燶邊", 食起黎仲香口!
墨西哥風味烤西班牙豬肋骨配脆薯角
10 views
0 likes
0 comments
一份有成7條豬肋骨, 外邊搽上香甜醬汁燒烤, 內裏肉質口感幾嫩唔會嚡乾, 用刀叉食係有少少不便, 巴不得有隻膠手套可以方便進食, 只怪味道唔錯, 想快D食佢落肚姐.............
10 views
0 likes
0 comments
另外佢配有脆薯角, 亦唔好遺忘左佢喎, 炸得香口唔油膩, 灑上惹味調味粉令人一舊接一舊!
脆薯角
8 views
0 likes
0 comments
另一客為燒美國IBP頂級安格斯肉眼伴香蒜燒野菌及焦糖青蘋果, 醬汁為芥末子忌廉汁 ($258), 送上枱時已經肉香味四射, 四周圍係住幾款伴菜, 份量幾對眼
燒美國IBP頂級安格斯肉眼伴香蒜燒野菌及焦糖青蘋果, 醬汁為芥末子忌廉汁
9 views
0 likes
0 comments
落左七成熟柯打, 切開仍然見到微紅色, 食落口感有少少嚼口, 肉汁仍然保持到, 點少少芥末子忌廉汁入口有D甜味, 兩者配搭相當"得"! 另外有驚喜係個焦糖青蘋果, 口感爽脆唔在講, 味道帶酸甜可解一下肉類既膩感, 有心思既一道主菜!
9 views
0 likes
0 comments
包飲品可隨意係呢個Drink Menu選擇, 仲可以選紅/白酒1杯
平時慣常點Cappuccino, 今晚突然轉點左呢杯Affogato, 細細杯相當精緻, 雲呢拿雪糕代替奶既工作, 更能增加咖啡既甜滑感, 好飲!
Affogato
5 views
0 likes
0 comments
年青侍應服務主動細心有禮, 呢餐食得好enjoy!
Post
