JK Brother’s (Closed)

JK 做開晚市打邊爐，之前疫情期間多次要停晚市轉過賣凍肉，難得而家開番晚市即過支持下。本身訂位時對野食都無太大期望，因為真心想支持下，後黎睇下D相先知原來都多野選擇。去到餐廳，選擇左Prime 牛板腱任食，食物有分QR CODE落單同自助區兩部分;牛肉就要同職員另加先有。QR CODE 落單選擇既唔算多，有刺身、芝士撻、奶皇牛角包、醬油鮑魚同蝦等等；自助區有丸類、蔬菜類、海蝦（蝦、青口、蜆等貝類）、燒蝦同燒蠔、炸物、飲品同甜品。湯底方面選左人參雞湯，唔知點解愈食愈咸，用呢個湯底會令你唔洗點醬油就可以食。牛板腱推介，幾好食，唔會過肥/瘦，油脂比例剛好，個人十分喜愛。刺身就無咩特別，不過不失醬油鮑魚有少少辣。貝類食物幾唔錯，有鮮味，但食到有少少沙。燒蠔少失望，Cream多，隻蠔燒到好細粒。飲品方面超多選擇，仲有燒酒飲👍🏻另外十分推介芝士撻、奶皇牛角包，雖然食咁多野食到好飽，但真係要必食，仲要忍唔住叫多兩個食，送上黎熱辣辣，奶皇牛角包仲有少少流心既效果，超好食！最後甜品方面，有好多好多雪糕食，今次雖然無Mövenpick，但都有Haagen dazs，仲有好多唔同牌子既雪糕同雪條，想試曬但真