Video
Read full review
2022-06-10
567 views
之前疫情嚴峻， 禁咗晚市咁耐就煮飯煮咁耐😭最近稍為放寬終於可以出去食餐好嘅，紓解吓鬱悶嘅情緒。前幾日晚上去咗一間位於大角咀主打意大利菜和食生蠔嘅餐廳用膳，聽聞這間餐廳係由兩個曾任多間酒店嘅主廚創辦，想必出品有一定水準。餐廳有來自不同國家嘅生蠔🦪供應，價錢也很大眾化。最近更推出特價生蠔，若叫半打或以上就可以$10/隻享用到美國Pacific rock, 認真抵食。𧐢身雖然唔係好大隻，但𧐢肉尚算飽滿，味道鮮甜，海水味較重。以咁嘅價錢食到咁嘅質素生蠔認真超值！黑松露忌廉湯、法式龍蝦湯兩種湯都好濃郁，各有千秋。黑松露忌廉湯菇味非常出，而且啖啖菇蓉，比讚👍。龍蝦湯非常鮮甜美味，每一口湯都感受到濃烈嘅龍蝦味。黑松露野菌意大利粉配料有黑松露、鮑魚菇、小蘑菇、蕃茄仔和沙律菜。意粉軟硬度適中，醬汁creamy而且香滑，野菌沾上醬汁份外軟滑可口。醬汁之多可以掛滿每條意大利粉。意粉剛煮好就上枱，熱騰騰食份外滋味。威靈頓牛柳輪到主角威靈頓牛柳出場，一放在桌上已經感受到一股熱氣和聞到好香嘅焗酥皮味，賣相都幾搶眼。焗出嚟脹卜卜金黃色嘅酥皮包着大大嚿嘅牛柳好有睇頭。切開牛柳5成熟呈粉紅色好似好生咁，但食落又唔覺得咁
餐廳有來自不同國家嘅生蠔🦪供應，價錢也很大眾化。最近更推出特價生蠔，若叫半打或以上就可以$10/隻享用到美國Pacific rock, 認真抵食。𧐢身雖然唔係好大隻，但𧐢肉尚算飽滿，味道鮮甜，海水味較重。以咁嘅價錢食到咁嘅質素生蠔認真超值！
黑松露忌廉湯、法式龍蝦湯
兩種湯都好濃郁，各有千秋。黑松露忌廉湯菇味非常出，而且啖啖菇蓉，比讚👍。龍蝦湯非常鮮甜美味，每一口湯都感受到濃烈嘅龍蝦味。
黑松露野菌意大利粉
配料有黑松露、鮑魚菇、小蘑菇、蕃茄仔和沙律菜。意粉軟硬度適中，醬汁creamy而且香滑，野菌沾上醬汁份外軟滑可口。醬汁之多可以掛滿每條意大利粉。意粉剛煮好就上枱，熱騰騰食份外滋味。
威靈頓牛柳
輪到主角威靈頓牛柳出場，一放在桌上已經感受到一股熱氣和聞到好香嘅焗酥皮味，賣相都幾搶眼。焗出嚟脹卜卜金黃色嘅酥皮包着大大嚿嘅牛柳好有睇頭。切開牛柳5成熟呈粉紅色好似好生咁，但食落又唔覺得咁生，肉質軟淋，兼且肉汁豐富，廚師的烤焗技術控制得宜可見一班。
自製意大利餅，紐約芝士餅，即磨咖啡
最後食埋個甜品，嘆杯香濃咖啡，實在非常滿足。
多謝廚師嘅用心烹調使我們有頓咁美味，又咁豐富嘅晚餐😍
Post
