Video
Read full review
2023-11-05
52 views
從朋友口中得知一間新嘅韓燒店開咗喺荔枝角最方便嘅係 怕等位可以喺gulu度拎定飛咁就可以節省好多等嘅時間啦佢同其他傳統韓燒店唔同佢係一個個set咁叫 有唔同牛肉嘅grade 豐儉由人除咗常見啲嘅美國牛之外呢度亦都有日本和牛同埋韓牛揀我同朋友就揀咗一個和牛set同一個韓牛set試吓由韓國嚟嘅正宗韓牛其中一樣特別之處就係呢一間韓燒店玩味十足佢好似啲迴轉壽司店咁 入邊會有條輸送帶當你叫完嘢食 就會有一架火車送餐餐俾你餐廳有好多唔同味道嘅燒肉汁醬汁提供而對我嚟講 只要牛肉質素好 就咁落鹽同黑椒就已經夠晒宮崎和牛套餐餐入邊有三種唔同部位嘅和牛 total 150g各有特色 A5和牛肉眼蓋 有5片和牛 係三款之中 最重肉味 亦都係切得最好嘅 所以要花多少少時間燒 但又唔可以燒到全熟 半熟狀態下先至食到最重肉味而帶有和牛油脂嘅香味 全熟嘅話雖然肉味濃 但就冇晒油香A4和牛肩肉和牛肩就最香牛花味 呢款有兩片 切得比較薄 放落爐燒幾秒見到轉色就可以即刻反 一咬落去係爆油嘅A4和牛三角腩呢款就最淋身 肉味同牛油花味都比較淡 係食佢嘅口感 而佢係三請款之中 中間厚薄 三款和牛都各有特色 而我就最鍾意和牛肩
一間新嘅韓燒店開咗喺荔枝角
最方便嘅係 怕等位可以喺gulu度拎定飛
咁就可以節省好多等嘅時間啦
佢同其他傳統韓燒店唔同
佢係一個個set咁叫
有唔同牛肉嘅grade 豐儉由人
除咗常見啲嘅美國牛之外
呢度亦都有日本和牛同埋韓牛揀
我同朋友就揀咗一個和牛set同一個韓牛set
試吓由韓國嚟嘅正宗韓牛
其中一樣特別之處就係呢一間韓燒店玩味十足
佢好似啲迴轉壽司店咁 入邊會有條輸送帶
當你叫完嘢食 就會有一架火車送餐餐俾你
餐廳有好多唔同味道嘅燒肉汁醬汁提供
而對我嚟講 只要牛肉質素好 就咁落鹽同黑椒就已經夠晒
宮崎和牛套餐
餐入邊有三種唔同部位嘅和牛 total 150g各有特色
A5和牛肉眼蓋
有5片和牛 係三款之中 最重肉味 亦都係切得最好嘅 所以要花多少少時間燒 但又唔可以燒到全熟 半熟狀態下先至食到最重肉味而帶有和牛油脂嘅香味 全熟嘅話雖然肉味濃 但就冇晒油香
A4和牛肩肉
和牛肩就最香牛花味 呢款有兩片 切得比較薄 放落爐燒幾秒見到轉色就可以即刻反 一咬落去係爆油嘅
A4和牛三角腩
呢款就最淋身 肉味同牛油花味都比較淡 係食佢嘅口感 而佢係三請款之中 中間厚薄
三款和牛都各有特色 而我就最鍾意和牛肩肉喇
1++韓牛套餐
有200g嘅1++韓牛前腿肉
同日本和牛比 韓牛就肉味濃 雖然有油花香
但比起三種嘅宮崎和牛嘅油花都係比較淡
而且韓牛咬落去亦都冇和牛咁淋
如果鍾意牛肉味嘅人士 又怕日本和牛太油膩
就啱晒揀韓牛喇 而且佢嘅牛肉食落去唔會有牛騷 喺香港好難搵到咁平咁抵食嘅韓牛
食完牛肉飲埋個湯同個飯
一個set就已經夠飽啦
當然唔滿足嘅話 仲可以散叫加肉
又或者加錢加甜品
雖然飲品係汽水 但收銀位置旁都有凍水/熱水提供
呢一間嘅燒肉 牛肉質素好好 我主要都係用鹽同胡椒調味 就已經好夠 韓牛同和牛都冇花冇假
係食得出個分別
比起平時放題嘅質素 牛肉質素好 唔會過碟碟唔同 部位唔同而走樣
Post
