Video
Read full review
2023-09-12
68 views
個人覺得收工去happy hour除咗啲酒要夠特色好飲之外，其實食物質素都好重要，嘢食好味係會令到成餐飯氣氛開心好多！所以今日要推介尖東一間質素好高嘅西餐酒吧!🌟 串燒 - 牛舌 $68牛舌上枱嘅時候見到得三舊，心裏面難免有啲失望，不過一啖咬落去就覺得原來非常之值回票價！首先牛舌夠厚身，表面因為燒過變得香脆，一咬落去好彬身，隨之而來就係好香濃嘅牛汁，整體好Juicy，但係感覺唔會好肥膩，非常之高質素！串燒仲配搭左好惹味嘅沙嗲醬，不過可能牛舌質素太高啦，我自己就冇乜點點啦！🥢照燒美國牛仔骨 $118肥瘦適中，同樣牛肉味好香濃，表層有輕微嘅照燒汁，食落去好夾！🥢鳳尾蝦茴香海鮮汁意大利飯 $128顏色望落去好淡，但係一啖放落口係好濃郁嘅龍蝦汁味，非常之驚喜！自己個人比較鍾意食硬嘅飯，覺得佢都幾有咬口，至少我鍾意！🥃Ukiyoe $110主抵Cocktail嘅餐廳點可以唔叫一杯試吓呢！呢度總共有六款signature嘅Cocktail，今次我就揀咗杯柚子味。感覺好清新，飲落去似柚子米酒咁，對女仔嚟講應該好易入口！📍Avenue75 (尖沙咀)尖沙咀麼地道75號南洋中心地下36-41號舖
🌟 串燒 - 牛舌 $68
牛舌上枱嘅時候見到得三舊，心裏面難免有啲失望，不過一啖咬落去就覺得原來非常之值回票價！首先牛舌夠厚身，表面因為燒過變得香脆，一咬落去好彬身，隨之而來就係好香濃嘅牛汁，整體好Juicy，但係感覺唔會好肥膩，非常之高質素！
串燒仲配搭左好惹味嘅沙嗲醬，不過可能牛舌質素太高啦，我自己就冇乜點點啦！
🥢照燒美國牛仔骨 $118
肥瘦適中，同樣牛肉味好香濃，表層有輕微嘅照燒汁，食落去好夾！
🥢鳳尾蝦茴香海鮮汁意大利飯 $128
顏色望落去好淡，但係一啖放落口係好濃郁嘅龍蝦汁味，非常之驚喜！自己個人比較鍾意食硬嘅飯，覺得佢都幾有咬口，至少我鍾意！
🥃Ukiyoe $110
主抵Cocktail嘅餐廳點可以唔叫一杯試吓呢！呢度總共有六款signature嘅Cocktail，今次我就揀咗杯柚子味。感覺好清新，飲落去似柚子米酒咁，對女仔嚟講應該好易入口！
📍Avenue75 (尖沙咀)
尖沙咀麼地道75號南洋中心地下36-41號舖
Post
